Ebrəə 11:13 - LAWA A BOO SONBORE

¹³ Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

LAWA A BOO SONBORE 2011

¹³ Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Ebrəə 11:13 Iomraidhean Croise

Siin Giala 21:34

Abrahamu giã Filisiti minin gána lɛ nɛ, á belebɔ walan.

Siin Giala 23:4

«Man ka li ka gùli bɛ́ lɔn, tii lɛa kun ka nɛ. Ka gere bĩ ǹ bǎã kɔ masɛ la, bɛ maa wɔ baa, màn mɛn bɛ́ toɛ, ma maa lɔ lɛ gere bĩ a nɛ.»

Siin Giala 25:8

bɛ kio, á tɔ́n gã. Á zizi kɔ parsiini, á gã bɛ̀ a yii n nyɛɛ nɛ a zizi kɔ lɛ gɔ́ɔ̃ nɛ. Ǹ ná a gere bĩ ǹ minin geren bĩ ǹ bǎã nɛ.

Siin Giala 47:9

Zakɔba ná a lɛ si: «Ma lɛ̀ paabiɛ ka pɔsɔɔ (130) n ke bibiə̃ la! Lɛ̀ gigiã bie ma zɛnaa wa, má fuu dɔ́ yɛ ǹ gɔ́ɔ̃ nɛ. Ma digolon nə biikoo mɛn zɛnaa gùlibaa gɔ́ɔ̃ nɛ, maa wɔ dɔ bɛn wɔ li wa.»

Siin Giala 48:21

Bɛ kio, Zakɔba pɛ Zozɛfu ni: «Ma á re giɛ̃, sɛnɛ, Lawa á re goɛ̃ kun ka nɛ, á re toɛ, ka wusoo ka da ka digolon gána nɛ.

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Siin Giala 49:18

E Dɛnaa, ma nə n yii diɛ, máa n din ma kirisibaa!

Siin Giala 49:28

Izirayeli tɔrɔn lɛn man fulupaa. Ǹ di bɛ́ á boo mɛn da, á barka da ǹ ganaa, bɛ lɛ n ka kɛ nɛ, didie laanka a wɔ nɛ.

Siin Giala 49:33

Zakɔba bɛ́ á n gɔn waa a nɛnyaanan lɛn nɛ, á nya, á n gòãn zɛnaa, á waa tán a piì la, a fɔfoã kuru, á n ti ǹ digolon ganaa.

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Zɔbu 19:25

Masɛ á doɛ̃ máa maa bɔ sii-n wole lɛ yii á koo. A din nə die yui a golee, a boo giala nyɔmiɛ̃ da.

Loen 119:19

Masɛ n tii lɛa kanaa kɛ gɔ́ɔ̃ nɛ, n baran n dí-pɛn kɛn duru ma ganaa wa.

Loen 39:12

Ma n minbuiin nɛ a sii baraa a dɔlɔ boe a ganaa, n tá doree. Màn mɛn sii bɛ́ kaka a ganaa, man bɛ lɛ ziziɛ̃, ka nyuun bɛ́ màn ziziɛ̃ lɔn. Sonbore, minbuiin nɛ tumaa n ka piɛ̃ kooro bɛ́ lɔn. Doa.

Bɔ bɛ̀rɛbaa nɛ 2:22

Á nɛginin goon yɛ, Muizu ná a tɔ kɔ Gɛrsɔn, bɛ giala mà "gùli", a giala mà asɛ na á gùli baa bǎã kɔsɔ nɛ.

Lawa a wúlu-bɔlen 25:23

Gána lɛ a bǎã doamaa bie a n sã min la, a n bɛ gɔn duduu wa. A giala, gána lɛ n masɛ din Lawa wɔ lɛa. Kasɛn kɛn, ka gùlin laanka tiin lɛa masɛ a gána nɛ.

Minin nimi 10:30

Obaabu Muizu lɛ si kɛnɛn: «Ma a woe wa. Ma n die woe maa gána nɛ, ma tɔrɔn bii.»

Minin nimi 24:17

Sii mɛn bɛ́ die, ma yii tá-a, sɛnɛ, pelo sii bie wa. Sii mɛn bɛ́ re n zɛnɛɛ, má n yiin doa la, sɛnɛ, a ba foɛɛ̃n wa. Leere á re boe Zakɔba tɔrɔn bii, kii á re yui tán Izirayeli minin bii, a n die Moabu gána minin para giala wurii, a Sɛɛti tɔrɔn tumaa dɛ.

Matiə 13:17

Masɛ n pii ka nɛ, sonbore: Ka yii bɛ́ màn mɛn ganaa, Lawa a boo gii-dali gigiã laanka min pepere gigiã goã giɛ li mà ǹ bɛ yɛ ka ǹ yii ni, sɛnɛ, ǹ yɛ wa. Ka too bɛ́ á màn mɛn ma, ǹ nə́ goã giɛ li mà ǹ bɛ dɔ ma ka ǹ too ne, sɛnɛ, ǹ ma wa.

Zaã a sɛ́wɔ 12:41

Izayii na á kɛ lɛ pɛ Yezu wɔ gɔn la, a giala á goã á Yezu a gugurubaa yɛ.

Zaã a sɛ́wɔ 8:56

Ka digolo Abrahamu kɛ lɛ, ka lɛ n paraa-n a tɔ ganaa, á goã n nyɛnyɛɛ, a ná a yiri ni mà a tá re masɛ a biikoo yii. Á yɛ, a foo kɔɔ̃n kɔ parsiini.»

Rɔmu minin 4:21

A na á n gòãn koa Lawa a lɛ kɔ ǹ boo kɛ lɛ la, á golee li taãn-taãnɛ, mà pàã tá Lawa lon a bɛ zɛnaa.

Rɔmu minin 8:24

Foo-doa gɔ́ɔ̃ nɛ, wɔa kirisibaa lɛ lɛ pã gɔrɔ. Sɛnɛ, a lɛ n piɛ̃-n gɔrɔ foo-doa dinsɔɔ̃ gɔ́ɔ̃ nɛ. Min bɛ́ n yii diɛ màn mɛn a daa la, bɛ̀ a yii bɛ yɛ, a laadoo ba a ganaa a n foo doa doo, ka n pɛ mà bɛa màn lɛ n tɔn sɔsɔɔ wa. Die n màn yii a yii ni, a wusoo doo a n foo doa bɛ ganaa, ka n pɛ mà a wɔlɔ n sɔsɔɔ?

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Korɛnti2 5:6

Bɛ lɛ nɛ, ma foo a tã lɛawaa tumaa li. Man doɛ̃, máa bɛ̀ ma á tɔn ka ma gɔ̀nɔn kɛ nɛ, ma wɔlɔ n tɔn sɔsɔɔ maa kion kɛ ganaa Dɛnaa li.

Efɛɛzi minin 2:19

Bɛ lɛ a lɛa, ka tɔrɔ kɔsɔn lɛn bie tiin lɛa doo wa, ka bie gùlin dɔn lɛa wa. Sɛnɛ ka ǹ kɛnaan lɛa, kun ka Lawa a zaman kɛ nɛ, ka ǹ Lawa a sɔmɔ wɔn lɛa.

Ebrəə 11:14

Min mɛnɛn bɛ́ boo diɛ kɛnɛn, bɛn nə́ nyaa foaãnɛ mà ǹsɛn man giɛ dikion kɔ́n li.

Ebrəə 11:17

Golee Lawa li na á toa, Lawa bɛ́ á n da Abrahamu gɔ́ɔ̃ li ke, Abrahamu lɛ kɔ á Izaaki kɔ wúlu màn lɛa. A na á n din zɛnaa á die a nɛgiĩ goon toto lɛ koe, a da yaa Lawa na á n lɛ kɔ a din lɛ wɔ gɔn la,

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Ebrəə 11:39

Lawa siére sonbore pɛ, bɛa minin kɛn lɛn dinin tumaa wɔ gɔn la, ǹ golee Lawa li a lɛa. Sɛnɛ, ǹ lɛ-kɔ ǹ siin lɛn sɛn zɛnaa yɛ ka ǹ yii-n wa.

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Zaã1 3:19

Wɔ ǹ die doɛ̃ kɛ li, wáa wɔ ǹ sonbore wɔn lɛa, wɔ foo dɔ boo la a goã doa-n Lawa yɔrɔ-a.