Ebrəə 11:1 - LAWA A BOO SONBORE

¹ Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

LAWA A BOO SONBORE 2011

¹ Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

Ebrəə 11:1 Iomraidhean Croise

Loen 27:13

Má waa la máa ma á re Dɛnaa Lawa a bǐɛ̃baa yii yiikoonaan kanaa kɛ nɛ.

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Korɛnti1 13:13

Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Korɛnti2 11:17

Sonbore ne, kanna kəni, màn mɛn bɛ́ ma diɛ a nɛ, ma nə́ n din laakalɛɛ, ma ń boo diɛ ka gàãn man yui ma li. Dɛnaa foo sii bie ka bɛ-n sɛn wa.

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Korɛnti2 5:7

Wɔ ǹ tɔ we ka goleemali barka nɛ, sɛnɛ, yii a yɛ ná a bie wa.

Korɛnti2 9:4

Bɛ̀ a n baa miɛ̃ wa, bɛ̀ Masedoanɛ minin nə́ daa kun ka ma nɛ, ǹ nə́ daa yaa bɛ̀ ka n yɔrɔ bɔ wa, maa waa ka la miɛ̃ kɛ á re sìi diɛ ma ganaa parsiini, a ka dɔn dinin pusii wa!

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Tiitii 1:1

Masɛ Pooli n Lawa a bɛ̀rɛ lɛa, Yezu *Krita a dia dí-a wole lɛa. Dí na á n kɔ ma la, mà Lawa min mɛnɛn bɔ, mà man dɔ bɛn lɛ ǹ goleemali yɛ. Wɔa Lawa a zii bɛ́ minin darɛɛ sonbore mɛn ganaa, mà ma bɛ nyaa ǹ nɛ,

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 10:39

Min mɛnɛn bɛ́ kanɛɛ bɛ̀ ǹ papaã, wɔsɛn ba bɛn kɔnɔn lɛa doo wa. Sɛnɛ, wɔsɛn man golee Lawa li, wɔ á kirisibiɛ bɛa yɔrɔ kɛ lɛ la.

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 6:12

Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.