Ebrəə 10:24 - LAWA A BOO SONBORE

²⁴ Ka daa wɔ n yiri kɔ kɔn li, wɔ kɔn da kɔn-narɛɛ ganaa ka dí sonboren nyɛɛ nɛ.

LAWA A BOO SONBORE 2011

²⁴ Ka daa wɔ n yiri kɔ kɔn li, wɔ kɔn da kɔn-narɛɛ ganaa ka dí sonboren nyɛɛ nɛ.

Ebrəə 10:24 Iomraidhean Croise

Loen 41:1

LOE-saalin goledɛnaa loe mɛn lɔ. Davida a loe n ke.

Suusun 29:7

Min pepere nə n yiri koɛ doobaa li, bɛa yiri ba min baraa lon wa.

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Rɔmu minin 11:4

Sɛnɛ, Lawa na á pɛ nɛ mà wàa? Mà asɛ min duu sɔbaa (7 000) bɔ, á ǹ koa a wɔn lɛa, ǹ kɔ́n ná a tɔn nə n musin kuruməə tán *Baali dì kɛ yɔrɔ-a wa.

Rɔmu minin 12:15

Ka n nyɛnyɛɛ kun ka nyɛnyɛɛ wolen ne, ka wuu pɛ kun ka wuu-pɛlen ne.

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 9:22

Má goleemali boɛɛndɛnan sii si ma ganaa kunun ǹ ni, màn mɛn bɛ́ toɛ, ma gɔn dɔ ǹ ganaa. Man má zɛnaa miɛ̃ min tumaa nɛ, má lɛ kɔ sii din tɔrɔ tumaa ganaa, màn mɛn bɛ́ toɛ ma min tɛnɛn kirisibaa sonbore.

Korɛnti2 8:8

Pàã bie ma á nyɛɛ ka-n wa. Sɛnɛ, man ka miãn din kɔ sii ganaa kɛ pii ka nɛ, máa ka dɔn nə kaa kɔn-narɛɛ kɛ a taãnbaa nyaa.

Korɛnti2 9:2

Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Galaasi minin 6:1

Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki1 5:11

Bɛ lɛ taman yii, ka kɔn foo doa, ka kɔn gù we yii, ka ka bɛ́ zɛnɛɛ lɔn gɔrɔ.

Tesaloniki2 3:9

A bie ka wɔ doamaa bie ka kaa dɔmalɛ-n wa, sɛnɛ, wɔ ǹ wɔ́ kɛ zɛnaa, wɔ n giɛ li wáa ka dɔn nə zɛnaa miɛ̃.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Tiitii 2:4

ń giɛ ǹ tá lɔ tenən darɛɛ ǹ zuũn narɛɛ ganaa ka ǹ nɛnyaanan nɛ.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 13:1

Ka toa dɔɔ̃nbaa ǹ kɔn-narɛɛ goã ka bii.

Ebrəə 13:3

Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Zaã1 3:18

Maa nɛnyaanan lɛn, a kɔnboe wɔa kɔn-narɛɛ lɛ goã lɛ gɔ́ɔ̃ ǹ boon dininsɔɔ̃nɔn lɛa wa, a n siĩni, a goã kɔn-narɛɛ taãn lɛa, n nyɛɛ ka sii-zɛnaan nɛ.