Ebrəə 10:23 - LAWA A BOO SONBORE

²³ Wɔ baran talaa wa, wɔ bɛ́ pii wáa wɔ́ lɛ kɔ foo-doa mɛn ganaa, ka daa wɔ wo nyɛɛn bɛ gɔ́ɔ̃ nɛ, a giala, Lawa mɛn nə n lɛ kɔ, bɛ á bɔlɔgoondɛnaa lɛa.

LAWA A BOO SONBORE 2011

²³ Wɔ baran talaa wa, wɔ bɛ́ pii wáa wɔ́ lɛ kɔ foo-doa mɛn ganaa, ka daa wɔ wo nyɛɛn bɛ gɔ́ɔ̃ nɛ, a giala, Lawa mɛn nə n lɛ kɔ, bɛ á bɔlɔgoondɛnaa lɛa.

Ebrəə 10:23 Iomraidhean Croise

Loen 26:1

Davida a loe. Dɛnaa Lawa, n din kiri kɛ kuru. A giala, maa tɔ wɔ ǹ gɔn tá pepere. Man má n foo doa Dɛnaa Lawa ganaa, ma a re talɛɛ wa.

Busii pɛ 3:23

Maǹ màn dii lɛa baraabaraa baayɛlɛ. A bɔlɔgoondɛnaabaa miã banban.

Korɛnti1 1:9

Lawa a wusii a boo diɛ kio wa, a din Lawa kɛ lɛ na á ka bíi, mà ka goã doa-n kɔn ka a Nɛgiĩ Yezu Krita, wɔa Dɛnaa kɛ nɛ.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Tesaloniki1 5:24

Lawa mɛn lɛ ka bíi, a n bɔlɔgoondɛnaa lɛa; a din lɛ dɔ n die zɛnɛɛ.

Tesaloniki2 3:3

Dɛnaa n bɔlɔgoondɛnaa lɛa. A din tá re n doe ka lɛ, a ka kanbaa *Sɛtaan baraa kɛ ganaa.

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Ebrəə 11:11

Golee Lawa li na á toa, Abrahamu boo la á nɛ yɛ, a laanɛ á zizi kɔ, a lɔ Saaraa dɔ ná a ba boe la, a nɛ yɛ doo wa. A na á waa la, mà Lawa nə n lɛ kɔ la ka sii mɛn nɛ, mà á re bɛ zɛnɛɛ.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Zaaki 1:6

Sɛnɛ, ǹ dɛnaa na a nyankɔ ka goleemali ni, a baran n gɔ́ɔ̃ baa paa wa. A giala, bɛ̀ min mɛn tá n gɔ́ɔ̃ biɛ paa, bɛa dɛnaa yiri nə n penpelen diɛ, ka piɛ̃ bɛ́ kɔ̀ mu siɛ, bɛ̀ a na a penpelen da lɔn.

Sii-nyaan 3:11

«Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.