Ebrəə 10:20 - LAWA A BOO SONBORE

²⁰ Yezu na á zii dii lɛ bũ wɔ nɛ, yiikoonaabaa ǹ zii ni. Bɛ n kiɛ̃ kion bii kuru kɔn-a mɔnaa kɛ nɛ, bɛ giala, mà a na á n din gɔ̀nɔn kɛ kɔ.

LAWA A BOO SONBORE 2011

²⁰ Yezu na á zii dii lɛ bũ wɔ nɛ, yiikoonaabaa ǹ zii ni. Bɛ n kiɛ̃ kion bii kuru kɔn-a mɔnaa kɛ nɛ, bɛ giala, mà a na á n din gɔ̀nɔn kɛ kɔ.

Ebrəə 10:20 Iomraidhean Croise

Lawa a wúlu-bɔlen 16:15

Bɛa kiɛ̃ kio, butumu mɛn bɛ́ zaman lɛ a sii baraa sawaa ǹ wúlu màn lɛa, á bɛ bɔlɔ kuru, a wo ka a mà nɛ kion bii kuru kɔn-a ǹ mɔnaa lɛ nyɛɛnɛ. A sii mɛn zɛnaa ka dii gɔ̀lɔ̀ lɛ a mà nɛ, a bɛ lɛ miã zɛnaa ka butumu lɛ dɔ a mà nɛ. A pɛsɛ̃ goo lɛ lɛpii ganaa, a pɛsɛ̃ goo lɛ yɔrɔ-a.

Lawa a wúlu-bɔlen 16:2

á pɛ nɛ: a pɛ ǹ dɔɔ̃ngiĩ Aarɔn nɛ: Bǎã sonbore sonbore ke, kion bii kuru kɔn-a ǹ mɔnaa lɛ nyɛɛnɛ, Lawa a *lɛ kɔ kɔn la ǹ goo laanka a lɛpii kɛ yɔrɔ-a, a nyan toa a wɔ walan biikoo tumaa li wa, màn mɛn bɛ́ toɛ, a baran gã wa. A giala, ma á re goɛ̃ bɛ̀ man din nyaa goo lɛpii lɛ lalan tɛmaa bara bii.

Lawa a wúlu-bɔlen 21:23

Sɛnɛ, ǹ wɔ̀lɔ̀ lɛ taman yii, ǹ doamaa bie ǹ wo yǎa kion bii kuru kɔn-a ǹ mɔnaa kɛ li wa, ǹ doamaa bie ǹ nə n mɔrɔ wúlu bɔ ǹ bǎã kɛ dɔ ganaa wa. Ǹ doamaa bie ǹ masɛ a bǎã sonbore kɛ ziziɛ̃ wa. A giala, masɛ Dɛnaa Lawa din ni má wúlu-bɔlen lɛn bɔ, má ǹ koa maa dí mìi la.

Matiə 27:51

A din biikoo lɛ li, Lawa a kion gɔ́ɔ̃ kuru kɔn-a ǹ mɔnaa toɛ̃ kɔn-a màn paa, a saa a lon ganaa, a daa a tán-a yaa. Tán bìn da, páran nə́ yuyu,

Marki 15:38

Bɛa biikoo li, Lawa a kion bii kuru kɔn-a ǹ mɔnaa toɛ̃ kɔn màn paa, á saa a lon ganaa á daa a tán yaa.

Luku 23:45

Lawa a kion nyɛɛnaan sonbore kɛ a bii kuru kɔn-a ǹ mɔnaa kɛ tɔ́n toɛ̃ a bii.

Zaã a sɛ́wɔ 10:7

Yezu wusoo á pɛ doo: «Man taãn pii ka nɛ, masɛ n sèren kiɛnlɛ lɛa.

Zaã a sɛ́wɔ 10:9

«Masɛ n kiɛnlɛ lɛa. Bɛ̀ min mɛn nə́ bɔ ka masɛ nɛ á tɔ́n wɔ kion, ka sèren bɛ́ boe ka kiɛnlɛ-n lɔn bɛ̀ ǹ tɔn wɔ kion, bɛa dɛnaa á die kirisibiɛ. Á die we bɛ̀ a soo, á die a too ǹ màn-bii dɔ yii.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Efɛɛzi minin 2:15

Á Zuifun Landa ziziɛ̃ kɔnlɛ ka a dí-pɛn kɛn laanka ǹ zɛnaa ǹ gɔnɔn nɛ. Bɛ a zɛnaa miɛ̃ kɛ lɛ gɔ́ɔ̃ nɛ, a na á zɔɔ̃ li, mà a tɔrɔ paa kɛ lɛ baa zaman dii goon toto lɛa, kun ka a din ni. A na á baa miɛ̃ á là nyantoro koa.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Ebrəə 6:19

Bɛa foo-doa kɛ lɛ n wɔ kuĩ, á golee wɔ-n sɔnbɔraanɛ. A na á Lawa a kion bii kuru kɔn-a ǹ mɔnaa kɛ bii wɔsɔ lon gɔ́ɔ̃ nɛ, á kiɛ̃ á wɔ kion nyɛɛnaan sonbore kɛ nɛ.

Ebrəə 9:3

Kion gɔ́ɔ̃ lɛ a mɛn bɛ́, á goã kion bii kuru kɔn-a ǹ mɔnaa paabaa ǹ wɔ kɛ kio, bɛ tɔ na á goã Bǎã Sonbore Sonbore.

Ebrəə 9:8

Lawa a Yiri Fu n nyɛɛ bɛa yɔrɔ kɛ la, mà bɛ̀ bɛa Mɔnaa Kion bibinaa kɛ lɛ tan, mà Bǎã Sonbore Sonbore kɛ a zii na a tɔn nə n bũ min tumaa-n wa.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 4:2

Bɛ̀ Lawa Yiri tá ǹ li, ka bɛ́ re doɛ̃ lɔn bɛ á ke: min mɛn bɛ́ pii, mà Yezu *Krita na á daa minbuiin lɛa, Lawa Yiri tá bɛ lon.

Zaã2 1:7

Soɛ-bɔle gigiã nə́ n da kanaa la. Maǹ nə́ n piɛ̃ ǹ ba golee li, mà Yezu Krita daa minbuiin nɛ taãn lɛa wa. Min mɛn bɛ́ zɛnɛɛ miɛ̃, bɛ lɛ n soɛ-bɔle lɛ lɛa, Krita a Zɔ́ɔ dɔ nɛ.