Ebrəə 10:10 - LAWA A BOO SONBORE

¹⁰ Yezu Krita na á Lawa foo sii kɛ lɛ zɛnaa, a ná a din gɔ̀nɔn kɛ kɔ, mà a n baa wúlu màn kɛ lɛa, ǹ mɛn bɛ́ á n zɛnaa gunyin goon toto, bɛ lɛ nɛ, á wɔ yoreen koe.

LAWA A BOO SONBORE 2011

¹⁰ Yezu Krita na á Lawa foo sii kɛ lɛ zɛnaa, a ná a din gɔ̀nɔn kɛ kɔ, mà a n baa wúlu màn kɛ lɛa, ǹ mɛn bɛ́ á n zɛnaa gunyin goon toto, bɛ lɛ nɛ, á wɔ yoreen koe.

Ebrəə 10:10 Iomraidhean Croise

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Zaã a sɛ́wɔ 17:19

Ma dinmaa nə n din koe n la lenlen ǹ lɛa, màn mɛn bɛ́ toɛ, ǹ dɔn nə goã n wɔn lɛa lenlen ka n sonbore boo lɛ barka nɛ.

Zaã a sɛ́wɔ 19:34

Sɛnɛ, sɔraasin giĩ lɛ goon nə́ fɔ̃ a kolo ganaa ka a sɛmiɛ nɛ, yǎa mà laanka mu soo a nɛ a din bǎã-n gɔrɔ.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Ebrəə 10:12

Sɛnɛ, Krita sɛ na á n din kɔ, wúlu màn goon toto lɛa sii baraan lɛa, bɛ kio á giã Lawa gusin lon yǎa duduu,

Ebrəə 10:14

A min mɛnɛn yoreen kɔ, a na á bɛn baa min lɛ-piɛ̃n lɛa yǎa duduu, a din kɔ wúlu màn lɛa gunyin goon toto kɛ lɛ barka nɛ.

Ebrəə 10:20

Yezu na á zii dii lɛ bũ wɔ nɛ, yiikoonaabaa ǹ zii ni. Bɛ n kiɛ̃ kion bii kuru kɔn-a mɔnaa kɛ nɛ, bɛ giala, mà a na á n din gɔ̀nɔn kɛ kɔ.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 10:5

Bɛ lɛ nɛ, *Krita bɛ́ die kanaa, á pɛ Lawa nɛ: N goã giɛ wúlu mànan laanka gɔ ǹ mànan li wa, sɛnɛ, ma nə ń gɔ̀nɔn siĩ kɔ ma la.

Ebrəə 13:12

Bɛ lɛ a lɛa nɛ, Yezu dɔ́ gɛ̀ wɔ kiwi lɛ kio, á zaman lɛ *yoreen kɔ ka a din mà nɛ.

Ebrəə 2:11

A giala, Yezu mɛn bɛ́ *gɔ̀ boe minin-a, ka minin mɛnɛn bɛ́ gɔ̀ nə́ n bɔ ǹ ganaa, bɛn tumaa n boe Díi goon ne. Bɛ lɛ na á toa, a ba sìi lɛa Yezu lɛ ganaa, a kɛn lɛn bíi mà asɛ dɔɔ̃nɔn wa.

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Ebrəə 7:27

Yezu lɛ laadoo ba a ganaa, a wúlu bɔ baraabaraa, ka wúlu-bɔlen kiã gialakunun kɛn bɛ́ ǹ nə́ goã zɛnɛɛ lɔn, bibinaa nɛ a din a sii baraan lɛa, bɛ kio zaman dɔ wɔn lɛa wa. Yezu na á wúlu bɔ gunyin goon dinsɔɔ̃, bɛ̀ a bɛ́ á n din kɔ gɛ̀ la wɔa lɛa, kɔsɔ ba n zɛnɛɛ doo wa.

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 5:6

Min mɛn da wɔ li, bɛ n ka Yezu *Krita nɛ. A na á daa ka a *batɛmu yɛ ǹ mu ni, ka a gɛ̀-wɔ ǹ mà nɛ. A bie á daa ka mu dinsɔɔ̃-n wa, sɛnɛ, a na á daa ka mu ni, ka mà nɛ. Yiri Fu din nə bɛa siére pii, a giala, a n sonbore lɛa.