Ebrəə 10:1 - LAWA A BOO SONBORE

¹ Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?

LAWA A BOO SONBORE 2011

¹ Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?

Ebrəə 10:1 Iomraidhean Croise

Lawa a wúlu-bɔlen 9:16

Á tɔɔ màn paa lɛ dɛ wúlu màn tiɛ̃ lɛa. Á wúlu bɔ ǹ nɛ, á kɔnpɛ ka a zɛnaa ǹ gɔn nɛ.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Kolɔɔsi minin 2:17

Bɛa mànan kɛn tumaa na á goã nyɛɛnaan wɔn kɛn kɔnboen lɛa. Sɛnɛ, màn lɛ a taãn-taãn lɛ, Krita lɛ dinmaa nɛ.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 7:11

Lawa na a dí-pɛn mɛnɛn kɔ Izirayeli tɔrɔ minin la, bɛn giala wɔ ǹ bǎã na á goã ka *Levii tɔrɔn wúlu-bɔlebaa nɛ. Sii mɛn doamaa bɛ́ nɛ a n zɛnaa, bɛ̀ Levii tɔrɔn wúlu bɔ lɛ na a boo la, á bɛ zɛnaa yǎa a lɛ pã wa. Bɛ̀ a na á baa miɛ̃, bɛ̀ mìi ba wúlu-bɔle tɔrɔ kɔsɔ a daa la wa. Wúlu-bɔle mɛn bɛ́ ka Mɛlkizedɛki bɛ́ lɔn, a ná a ba kɔnboe ka Aarɔn nɛ wa.

Ebrəə 8:5

Bɛn bɛ́ wúlu bɔ ǹ dí mɛn nyɛɛ ke, bɛ n lon gɔ́ɔ̃-n wɔ kɛ a kɔnboe lɛa, a nyín ni. Bɛ na á kɔnpɛ ka sii kɛ nɛ, á n zɛnaa Muizu ni. A bɛ́ re mɔnaa kion lɛ doe, Lawa na á pɛ nɛ: «Toa n sii lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.»

Ebrəə 9:11

Sɛnɛ, sisia kəni, *Krita na á daa. Ǹ goã n yii diɛ bǐɛ̃n mɛnɛn la, asɛ n bɛn wúlu-bɔlen kiã lɛa. Asɛ a wúlu-bɔlebaa ǹ mɔnaa kion lɛ barka á gole, a lɛ-piɛ̃maa dɔ nɛ, á la lɛlɛ wɔ kɛ nɛ. Minbuiin nɛ gɔn bie á dɔ wa, a ba kanaa kɛ dɔ wɔ lɛa wa.

Ebrəə 9:23

Bɛ̀ lon mànan kɛn nyínin tá yoreen koe, ka bɛa landa siin kɛn barka nɛ, a doamaa nɛ, lon mànan dininmaan lɛn dɔn nə yoreen kɔ, ka wúlu mànan kɔsɔn barka nɛ, wúlu mànan mɛnɛn bɛ́ soɛ gialakun kɛ tumaa nɛ.

Ebrəə 9:25

Wúlu-bɔlen kiã na á goã we lɛ̀ woo lɛ̀, Bǎã Sonbore Sonbore kɛ nɛ ka tɔɔ mà nɛ. Krita bie á zɛnaa miɛ̃ wa, a bie á wɔ gunyin damata, á n din kɔ wúlu màn lɛa wa.