Ebrəə 1:8 - LAWA A BOO SONBORE

⁸ Sɛnɛ, Lawa màn mɛn pɛ a Nɛgiĩ ni, bɛ á ke: «N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

LAWA A BOO SONBORE 2011

⁸ Sɛnɛ, Lawa màn mɛn pɛ a Nɛgiĩ ni, bɛ á ke: «N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Ebrəə 1:8 Iomraidhean Croise

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Loen 145:13

N kiibaa lɛ a nyɛɛ wa, a na a tan yǎa duduu. N pàã lɛ n goɛ̃ yǎa duduu. Lawa n bɔlɔgoondɛnaa lɛa a da ǹ boo tumaa gɔ́ɔ̃ nɛ, a zɛnaa ǹ sii tumaa n siĩni.

Loen 72:7

N din toa, a kiibaa wasa nɛ, peperebaa wɔlɔ gɔ̀nɔn bɔ. N toa màn-yɛ pàã gole kɔ biikoo tumaa li.

Loen 99:4

Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 38:15

Zeremii Sedekiasi lɛ si kɛnɛn: «Bɛ̀ má sonbore pɛ n nɛ, n nə die ma nyin boe. Bɛ̀ ma doroo kɔ n la, n ba re koe lɛ wa!»

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Luku 1:75

mà asɛ á die zii nyɛɛ wɔ nɛ, wɔ tɔ wɔ peperebaa nɛ ka sonborebaa nɛ, wɔ dí nya a din ni wɔa yiikoonaabaa din tumaa gɔ́ɔ̃ nɛ.

Zaã a sɛ́wɔ 10:30

Ma laanka maa Díi ni, wɔ n goon toto.»

Zaã a sɛ́wɔ 10:33

Zuifun nə́ tɔ́n pɛ nɛ mà ǹsɛn bie giɛ li ǹ dɛ ka kɔlɔ nɛ, sii sonbore zɛnaa taman yii wa, sɛnɛ, mà Lawa tɔ ziziɛ̃ ǹ boo na á toa, ǹsɛn tá giɛ li ǹ dɛ ka kɔlɔ nɛ. Mà a giala, mà asɛ din minbuiin nɛ kɛ nə n din biɛ Lawa lɛa.

Zaã a sɛ́wɔ 20:28

Toomaa tɔ́n pɛ nɛ: «Maa Dɛnaa! Maa Lawa!»

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Korɛnti1 15:25

A giala, a n kɔnboe Krita goã kii lɛa, yǎa Lawa boe a zɔ́ɔn tumaa la, a ǹ kiɛ a gòãn giulun.

Timəə dí-pɛn 2:37

Sɛnɛ, wɔ wo Amɔn tɔrɔn gána kɛ wɔlɔ li wa. Kiwin mɛnɛn tumaa bɛ́ Yabɔki tà lɛ-a, ǹ mɛnɛn bɛ́ kele yii kɛ nɛ, ka wɔa Lawa, Dɛnaa Lawa wɔ kurəə bǎã mɛn tumaa ganaa, wɔ n gɔn da bɛn sɛn-a wa.

Timəə dí-pɛn 7:14

Lawa á re barka diɛ ka ganaa, a la tɔrɔ kɔsɔn kɛn tumaa nɛ. Giĩ laanka lɔ kɔn ba re yii ka bii gɛ̀làa lɛa wa. Gɛ̀làa dɔ a re yii kaa tɔɔn bii wa.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.