Ebrəə 1:7 - LAWA A BOO SONBORE

⁷ Màn mɛn nə n pɛ lon a dia dí-a wolen wɔ gɔn la, bɛ n ka kɛ nɛ: «Lawa na a lon a dia dí-a wolen biɛ ka piɛ̃ bɛ́ lɔn, a na a dí-nyalin biɛ ka tɛ lɛwɔn bɛ́ lɔn.»

LAWA A BOO SONBORE 2011

⁷ Màn mɛn nə n pɛ lon a dia dí-a wolen wɔ gɔn la, bɛ n ka kɛ nɛ: «Lawa na a lon a dia dí-a wolen biɛ ka piɛ̃ bɛ́ lɔn, a na a dí-nyalin biɛ ka tɛ lɛwɔn bɛ́ lɔn.»

Ebrəə 1:7 Iomraidhean Croise

Siin Giala 3:24

A bɛ́ á ǹ loo á ǹ bɔ a nɛ ǹ mɛn waáraa, a na á lon màn yiikoonaan doa Edɛn dù gɔrɔ lɛ a lɛ̀giala gɔn la. Gɔya sà tɛ-pɛle n bɛn gɔn, ǹ nə́ pepere bǎã yii ni, yiikoonaabaa ǹ da lɛ a zii lɛduĩ ni.

Kiin1 22:19

Misee nə́ n toa kəni: – Haya le! N too kɔ Dɛnaa Lawa a boo ganaa. Má Dɛnaa Lawa yɛ giã nɛ a kii dankan la, lon a dí-nyalin tumaa ǹ golee ne a genli, a gusin laanka a gɔsɛ.

Kiin2 2:11

A ǹ toa zii la sùn biɛ woe, bɛ̀ wotoro tɛdɛnaa goon laanka sùi tɛdɛnan nə́ ke ǹ nə́ daa wɔ ǹ biin ni, ǹ nə́ ǹ sawaa kɔn. Yilii dii á woo lon kurunkurun li.

Kiin2 6:17

Yiliizee Lawa nyankɔ kɛnɛn: «Dɛnaa Lawa, n dí-nyali lɛ yii bũ, màn mɛn bɛ́ toɛ a yii wɔlɔ yɛ!» Dɛnaa Lawa dí-nyali lɛ yii bũ, a yii kele lɛ yɛ a lalan yii n piɛ̃ nɛ ka sùin laanka ziabaa ǹ wotoro tɛdɛnan nɛ, ǹ nə́ Yiliizee da bii.

Loen 104:4

Ma n piɛ̃ biɛ n dia dí-a wole lɛa, tɛ nə n dí-nyali lɛa.

Izayii 6:2

Lon màn yiikoonaa tɛ-pɛlen man nə́ goã a mìi la. Ǹ gogoonmaa nyàa n sɔrɔ: Maǹ nyàa màn paa koe ǹ yɔrɔ lɛ, ǹ màn paa kɔ ǹ gɔ̀nɔn lɛ, ǹ piɛ̃ ka a màn paa nɛ.

Zakarii 6:5

Á ma lɛ si kɛnɛn: «Lon a piɛ̃ sii kɛ nɛ. Maǹ nə́ goã kunu tán tumaa a Dɛnaa li, kanna, maǹ woe.»

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.