Ebrəə 1:3 - LAWA A BOO SONBORE

³ Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

LAWA A BOO SONBORE 2011

³ Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 1:3 Iomraidhean Croise

Zɔbu 37:22

Tɛ-pɛ n dɔ boe ka sana bɛ́ lɔn, gɔsɛ a lɛ̀gɔn la die. Tɛ-pɛ mɛn bɛ́ Lawa lɛnpɛnɛ, bɛ n kaãbaa diɛ.

Loen 110:1

Davida a loe goon ne. LOE ne. Dɛnaa Lawa na á pɛ maa dɛnaa lɛ nɛ kɛnɛn: Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn la, ǹ die kiɛ tán n gòãn giulun.

Loen 75:3

Lawa lɛ n pii kɛnɛn: Ma bɛ́ re biikoo mɛn koɛ, bɛ̀ bɛ́ dɔ, ma á re kiri kuri ka peperebaa nɛ.

Boo-laakalaali 8:4

Sonbore, boo ba kii a boo la kuri wa. Die yii ń we a pɛ nɛ, mà wàa sii n ke á tá zɛnɛɛ?

Lawa a wúlu-bɔlen 15:15

Lawa a wúlu-bɔle die a bàanan lɛn goon baa sii baraa sawaa ǹ *wúlu màn lɛa, a ǹ goon baa wúlu màn tiɛ̃ lɛa. Wúlu-bɔle lɛ gɔ̀ bɔma-a ǹ landa zɛnaa bɛa giĩ lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a, a kii mu a da a din li lɛ taman yii.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Matiə 22:24

«Mìinaa, Muizu na á pɛ Landa gɔ́ɔ̃ nɛ: bɛ̀ giĩ mɛn gã a ná a lɔ toa walan, a ná a nɛ yɛ a ganaa wa, ǹ dɔɔ̃n doamaa nɛ a lɔ giɔɔrɔ lɛ saa, a nɛnyaanan yɛ a ganaa, ǹ dɔɔ̃n papaã wole lɛ wɔn lɛa.

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 1:4

Yiikoonaabaa n bɛa Boo lɛ nɛ, bɛa yiikoonaabaa lɛ n wɔlɔ fúlu koe minbuiinin la.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 7:56

Á pɛ: «Á ke, masɛ yii-n lon lɛ ganaa buĩ ni, Min a Nɛgiĩ n golee-n Lawa gusin.»

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Kolɔɔsi minin 3:1

Haya, ka laanka *Krita yii bɛ́ á kaa kun, ka toa ka ga lon mànan li, Krita din bɛ́ giã-n bǎã mɛn nɛ, Lawa gusin.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 1:13

Lawa bini boo kɛ miã pɛ lon a dia dí-a wole kɔ́n nɛ wa: «Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn nə die kiɛ tán n gòãn giulun.»

Ebrəə 10:12

Sɛnɛ, Krita sɛ na á n din kɔ, wúlu màn goon toto lɛa sii baraan lɛa, bɛ kio á giã Lawa gusin lon yǎa duduu,

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 7:27

Yezu lɛ laadoo ba a ganaa, a wúlu bɔ baraabaraa, ka wúlu-bɔlen kiã gialakunun kɛn bɛ́ ǹ nə́ goã zɛnɛɛ lɔn, bibinaa nɛ a din a sii baraan lɛa, bɛ kio zaman dɔ wɔn lɛa wa. Yezu na á wúlu bɔ gunyin goon dinsɔɔ̃, bɛ̀ a bɛ́ á n din kɔ gɛ̀ la wɔa lɛa, kɔsɔ ba n zɛnɛɛ doo wa.

Ebrəə 8:1

Ma bɛ́ boo mɛn diɛ, a gugurubaa ǹ bǎã n ka kɛ nɛ: Bɛa wúlu-bɔlen kiã kɛ lɛ tɔrɔ n wɔ lon, á n giã-n Lawa gole siĩn kɛ a kii dankan gusin lon gɔ́ɔ̃ nɛ.

Ebrəə 9:16

Sonbore, bɛ̀ kíɛ̃ gii ǹ sɛ́wɔ tan, a n siĩni a n dɔ̃ foaãnɛ, mà bɛa sɛ́wɔ lɛ a dɛnaa gã.

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.

Piɛrɛ2 1:16

Sonbore, wɔ bie wɔ́ n gòãn koa minbuiinin yiridɛnaabaa ǹ lɛlɛ boon la, wɔ́ wɔa Dɛnaa Yezu Krita a wusoo a da ka pàã-n kɛ boo da ka-n wa. Wɔ n wɔ́ n gòãn koa wɔ dinin wɔa yɛ ka wɔ yii-n kɛ la. Wɔ́ yɛ ka wɔ yii ni a golebaa kɛ nɛ,

Piɛrɛ2 1:17

bɛ̀ Díi Lawa din bɛ́ zín laanka gugurubaa koe la. Bɛ na á n zɛnaa wɔ yii ni, bɛ̀ Lawa din bɛ́ á n toa a din a gugurubaa gole kɛ nɛ, á pɛ: «Kɛ n maa Nɛgiĩ narɛɛ wole lɛa, a na á kɔɔ̃n kɔ ma din ni má bɔ.»

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 3:5

Sɛnɛ, ka á doɛ̃, mà Krita na á daa minbuiinin sii baraan bɔ ǹ ganaa, sii baraa kɔ́n ná a ba a din li wa.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 3:21

«Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»