Kolɔɔsi minin 4:3 - LAWA A BOO SONBORE

³ Ka n toa bɛ lɛ gɔ́ɔ̃ nɛ ka Lawa-nyankɔ wɔsɛn dɔn manɛ, màn mɛn bɛ́ toɛ, Lawa zii kɔ wɔ la, wɔ *Krita a boo kɛ da, ma bɛ́ kòso-n kanna boo mɛn a lɛa.

LAWA A BOO SONBORE 2011

³ Ka n toa bɛ lɛ gɔ́ɔ̃ nɛ ka Lawa-nyankɔ wɔsɛn dɔn manɛ, màn mɛn bɛ́ toɛ, Lawa zii kɔ wɔ la, wɔ *Krita a boo kɛ da, ma bɛ́ kòso-n kanna boo mɛn a lɛa.

Kolɔɔsi minin 4:3 Iomraidhean Croise

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti1 16:9

A giala, a laan maa zɔ́ɔn tá mɔnaa nɛ, bɛa biikoo kɛ lɛ lɛ n koo, maa dí a yɔrɔ yɛ ganaa walan.

Korɛnti1 4:1

A bɛ́ miɛ̃, wɔsɛn man dien lɛa ka yii li? Ka ǹ kɔnboe ka ga wɔ ganaa *Krita a dí-nyalin lɛa, Lawa a sonbore duriin kɛn man tamaa-n wɔ li.

Korɛnti2 2:12

Má dɔ Troasi kiwi kəni, má n die Krita a Boo Tii Kɔɔ̃n kɛ laakalɛɛ walan. Dɛnaa din zii bũ ma nɛ foaãnɛ.

Efɛɛzi minin 3:1

Bɛ lɛ taman yii, masɛ Pooli n Lawa nyankoe ka a lɛa. Masɛ n kòso-n Yezu *Krita taman yii, maa dí nya kasɛn tɔrɔ kɔsɔn nɛ kɛ a lɛa.

Efɛɛzi minin 3:3

Lawa lɛ kɔ, á sii nyaa ma nɛ, mà ma boo la ma a din a sii-durii yɔrɔ bɔ kɛ dɔ̃. Ma boon mɛnɛn kiɛ̃ kio sisia, bɛn man bɛ giala pii ka nɛ.

Efɛɛzi minin 3:4

Bɛ̀ ká pɛ, ka á re yii mà ma á Yezu Krita a sii-durii kɛ doɛ̃.

Efɛɛzi minin 3:9

Lawa na á bǐɛ̃ zɛnaa ma-n dɔn, mà ma n dɔ minin tumaa lɛ, ǹ Lawa a sii-durii kɛ a zɛnaa ǹ gɔn yɛ foaãnɛ. Lawa n màn tumaa zɛnaali lɛa. A din na á bɛa sii kɛ lɛ duru haalɛ lɛlɛ.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Filipi minin 1:19

A giala, ma á doɛ̃ máa bɛ tumaa n die ǹ bɔyɛɛ, a ma kirisibaa ǹ sii baa, Lawa n kaa Lawa-nyankɔ pàã nɛ, ka Yezu Krita a Yiri Fu a dɔmalɛ kɛ pàã nɛ.

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Kolɔɔsi minin 1:26

Bɛ na á goã sii-durii lɛa, á n kuməə-n haalɛ lɛlɛ-lɛlɛ, sɛnɛ, Lawa din na á bɛ nyaa kanna, a din a minin kɛn manɛ.

Kolɔɔsi minin 4:18

Masɛ dinmaa Pooli n fòo boo kɛ kiɛ̃, ka ma din gɔn nɛ. Ka yiri baran bɔ mà man kòso-n wa. Lawa a bǐɛ̃ die a goã kun ka nɛ.

Tesaloniki1 5:25

Dɔɔ̃nɔn lɛn, ka Lawa-nyankɔ wɔ dɔn lɛa.

Timote2 1:16

Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Timote2 2:9

Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Filemɔn 1:22

Ma nə n nyankoe dɔn gɔrɔ, n kion yɔrɔ bɔ n koa ma nɛ, a giala ma á taasɛ, máa Lawa á re kaa nyankɔ lɛ sii, a toa ǹ ma bɔ kòso-n, ǹ ma da, màn mɛn bɛ́ toɛ, ma da ka li.