Kolɔɔsi minin 2:3 - LAWA A BOO SONBORE

³ Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

LAWA A BOO SONBORE 2011

³ Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

Kolɔɔsi minin 2:3 Iomraidhean Croise

Kiin1 3:28

Kii lɛ kiri mɛn kuru, Izirayeli kuturu bɛ boo ma. Ǹ nə́ kii lɛ yii guguru kɔ, a giala, ǹ nə́ dɔ̃ mà Lawa na á yiri kɔ Salomɔn la mà a sii yɔrɔ bɔ nɛ.

Zɔbu 28:21

A n durii-n kanaa a màn yiikoonaa tumaa ganaa, a n durii-n lon a bàanan dɔn dinin ganaa.

Suusun 2:4

Baa si sii-doɛ̃ kio, ka ǹ bɛ́ baa sii wɔrɔ kio lɔn. Ga li n parsiini, ka ǹ bɛ́ giɛ naforo li lɔn.

Izayii 11:2

Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Izayii 40:14

Dɛnaa na á n doa kɔn die ne á tɔn sii giala ma? Die na á peperebaa ǹ zii nyaa nɛ? Die na á doɛ̃ kɔ la? Die na á yiridɛnaabaa ǹ zii nyaa nɛ?

Matiə 10:26

Ka baran nyɛ́ɛ baa minbuiinin manɛ wa. Sii mɛn din tumaa bɛ́ durii ni, bɛ din tumaa á die boe kanaa. Sii mɛn din tumaa bɛ́ kuməə ne, bɛ yii á die n doɛ̃.

Luku 11:49

Bɛ lɛ nɛ, Lawa pɛ a boo ne: Ma á re maa boo gii-dalin laanka maa dia dí-a wolen diɛ ka la. Ka tá re ǹ tɛnɛn dii ǹ gã, ka tá re fuu nyɛɛ ǹ tɛnɛn manɛ.»

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Korɛnti1 1:24

Sɛnɛ, Lawa min mɛnɛn bɔ, ta Zuifu ni, ta tɔrɔ kɔsɔ nɛ, Krita lɛ n Lawa a pàãyiidɛnaabaa lɛa, ka a sii-doɛ̃ nɛ bɛn yii li.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Efɛɛzi minin 1:8

Lawa din na á bɛa bǐɛ̃ lɛ zɛnaa wɔ nɛ. Á yiri tumaa kɔ wɔ la, màn mɛn bɛ́ toɛ, a din sii mɛn yɔrɔ bɔ, mà wɔ bɛ dɔ̃.

Kolɔɔsi minin 1:19

A na á kɔɔ̃n kɔ Lawa din ganaa, á Lawabaa ǹ sii tumaa lɛ-piɛ̃ wɔ a Nɛgiĩ lɛ nɛ,

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Kolɔɔsi minin 3:3

Sonbore, ka gã, kaa yiikoonaabaa lɛ n durii-n Lawa gɔn, ka Krita bɛ́ durii-n lɔn.

Piɛrɛ2 1:5

Bɛ lɛ taman yii-n dinin ma á pii ka nɛ, máa ka n wen waa parsiini, ka tɔ wɔ ǹ gɔn sonbore naa kaa golee Lawa li lɛ ganaa, ka doɛ̃ naa tɔ wɔ ǹ gɔn sonbore kɛ dɔ ganaa.

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»