Kolɔɔsi minin 1:4 - LAWA A BOO SONBORE

⁴ Wɔ́ kaa golee Yezu Krita li lɛ boo ma, ka kaa Lawa a minin tumaa narɛɛ kɛ nɛ.

LAWA A BOO SONBORE 2011

⁴ Wɔ́ kaa golee Yezu Krita li lɛ boo ma, ka kaa Lawa a minin tumaa narɛɛ kɛ nɛ.

Kolɔɔsi minin 1:4 Iomraidhean Croise

Korɛnti2 7:7

A daa kɛ dinsɔɔ̃ bie á ma foo taã wa, sɛnɛ, ka bɛ́ ká a dinmaa foo taã ka yɔrɔ mɛn nɛ, á bɛ dɔ pɛ ma nɛ. Ka yiri bɛ́ a ganaa, mà ka wusoo ka ma yɛ ka yɔrɔ mɛn nɛ, á bɛ dɔ pɛ ma nɛ, kaa foo-ziziɛ̃ ǹ gɔn nɛ, ka ka bɛ́ zoɛ̃ mà ka maa zia gii si lɔn. Bɛ lɛ n toɛ, kanna, ma foo wusoo á kɔɔ̃n kɔ doo á la lɛlɛ wɔ nɛ.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 1:15

Má kaa golee wɔa Dɛnaa Yezu Krita li kɛ boo ma, ka kaa Lawa a minin tumaa narɛɛ kɛ nɛ.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki1 3:6

Sɛnɛ sisia, Timote bɔ ka li á daa, á boo kɔɔ̃n pɛ wɔ nɛ, kaa golee Lawa li laanka kaa kɔn-narɛɛ wɔ paǹ li. Á pɛ mà ka tá n taasɛ wɔ nɛ ka nyɛnyɛɛ nɛ, mà ka tá li ka wɔ yɛ doo, ka wɔ dɔn bɛ́ giɛ li wɔ wusoo wɔ ka dɔn yɛ lɔn.

Tesaloniki2 1:3

Dɔɔ̃nɔn lɛn, wɔ doamaa-n wɔ barka da Lawa nɛ biikoo tumaa li kaa lɛa. A n siĩn miɛ̃, a giala, màn tá miɛ kaa golee Lawa li li parsiini, kɔn-narɛɛ mɛn dɔ bɛ́ ka lon kɔn wɔ paǹ li, bɛ dɔ á gole koe ka tumaa gɔ́ɔ̃ nɛ.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.

Zaã1 3:23

A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Zaã1 4:16

Lawa bɛ́ wɔ narɛ ka yɔrɔ mɛn nɛ, wɔsɛn tá bɛ doɛ̃, a giala wɔ́ golee li. Minin-narɛli n ka Lawa nɛ. Bɛ̀ min mɛn dɔ minin-narɛli baa, ǹ dɛnaa n goɛ̃ kun ka Lawa nɛ, Lawa dɔ n goɛ̃ kun ka a dɔ nɛ.