Azee 2:7 - LAWA A BOO SONBORE

⁷ Ma á re bìn diɛ kanaa tɔrɔn ganaa, kanaa gɔn màn tumaa á re die kanna. Lawa a kion kɛ á re piɛ̃ ka gugurubaa nɛ. Dɛnaa Lawa Pàãyiidɛnaa a da ǹ boo n ka kɛ nɛ.

LAWA A BOO SONBORE 2011

⁷ Ma á re bìn diɛ kanaa tɔrɔn ganaa, kanaa gɔn màn tumaa á re die kanna. Lawa a kion kɛ á re piɛ̃ ka gugurubaa nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Azee 2:7 Iomraidhean Croise

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Kiin1 8:10

Lawa a wúlu-bɔlen lɛn bɛ́ ǹ nə́ soo, ǹ nə́ n bɔ bǎã sonbore lɛ nɛ, tɛmaa bara Dɛnaa Lawa a kion lɛ pã.

Kiin1 8:11

Lawa a wúlu-bɔlen lɛn nə goã boe la ǹ tá giɛ̃ kion lɛ nɛ, ǹ tá ǹ dí nyɛɛ wa, tɛmaa bara lɛ taman yii. A giala Dɛnaa Lawa a gugurubaa na á goã a ná a kion lɛ pã.

KZS2 5:14

Bɛa tɛmaa bara lɛ taman yii, wúlu-bɔlen lɛn ba boe la ǹ tá ǹ dí nyɛɛ wa, a giala Dɛnaa Lawa na á kion lɛ pã ka a din a gugurubaa nɛ.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Loen 85:9

Dɛnaa Lawa bɛ́ màn mɛn diɛ, ma nə n too koe bɛ li. A nə n lɛ koe, mà là nyantoro na a din a zaman laanka a din lɛ-silin wɔ lɛa. Sɛnɛ, yǎa ǹ baran wusoo, ǹ tɔ wɔ ǹ baãnaabaa gɔ́ɔ̃-n wa.

Izayii 2:19

Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Izayii 60:4

N yii saa lon n ga n paǹ tumaa li: Ǹ tumaa nə n lɛ soekɔn, ǹ nə́ die n li. N nɛgiĩn man boe sɔsɔɔ die, maǹ nə n nɛlɔn guĩ ǹ kolo-n.

Izayii 60:7

Kedaara minin tɔɔ kurun kɛn tá re die n soekɔn-a n li. Nebayɔti minin sère gɔ̀lɔ̀n kɛn tá re maa wɔn biɛ, ǹ tá re wúlu boe ǹ ne maa *wúlu bɔ ǹ bǎã kɛ nɛ, Á re *wúlu màn sonbore biɛ ma yii li. Man die maa kion lɛ a siĩnbaa tɔ boe ka bɛ nɛ.

Ezekieli 21:27

Kiɛ lɛ na á mɛnaa a gusin, á nyaa mà Zeruzalɛmu ni. Kii lɛ maǹ ziabaa ǹ lɛ-dɛ wɔ kɔsɛkɔsɛ, ǹ minin dɛ lɛ a gú da ǹ ziabaa ǹ màn dadaran doa kiwi lɛ a kiɛnlɛ-a, ǹ bèlèn dɔ, ǹ nyankɔrɔ fɔ̃!

Ezekieli 31:16

Man má toa da lɛ mɛnaa, màn mɛn bɛ́ toɛ, a wo kun ka ǹ miãn nɛ geren piɛ. Tɔrɔ kɔsɔn ná a mɛnaa wuu ma, ǹ gɔ̀nɔn bìn da nyɛ́ɛ gɔn. Edɛn dù gɔrɔ a dan kɛn, Liban dan kɛn mɛnɛn siĩnbaa bɛ́ á goã á la ǹ miãn wɔ nɛ, ǹ nə́ mu yii sɔnbɔraanɛ, bɛn tumaa foo á re basɛ̃ da lɛ a mɛnaa gɔ́ɔ̃ nɛ.

Ezekieli 38:19

Bɛa foo wuu pɛ laanka bɛa foo-yoo gole lɛ gɔ́ɔ̃ nɛ, man kɛ pii: Bɛa pinaa kɛ lɛ nɛ, tán tá re bìn diɛ gole we Izirayeli gána nɛ.

Ezekieli 44:4

Bɛ kio, giĩ lɛ ma kũ á bɔ ka gɔsɛ a lɛ̀gɔn la a kiɛnlɛ kɛ nɛ, á wɔ ka ma nɛ, yǎa Lawa a kion kɛ yɔrɔ-a. Ma bɛ́ giɛ, bɛ̀ Dɛnaa Lawa a gugurubaa á ke, a gialaa kion lɛ piɛ̃. Má tɔ́n bɔ má mɛnaa tán ma lɛ la.

Azee 1:8

Ka wo kele la ka da ká gɔn nɛ, ka maa kion dɔ nɛ. Ma foo á re kɔɔ̃n koe, ma á re tɔ goleebaa yii, Dɛnaa Lawa na á pɛ miɛ̃.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Luku 19:47

Yezu na á goã minin darɛɛ baraabaraa Lawa a kion. Wúlu-bɔlen goledɛnan man nə́ goã giɛ li kun ka landa sii-daraalin ni ka min golen ne, mà ǹ dɛ a gã.

Luku 2:27

Lawa a Yiri Fu lɛ da a yiri-a, mà a wo Lawa a kion biikoo mɛn waáraa, bɛ̀ nɛnyaan tiɛɛ̃n Yezu lɛ di laanka ǹ dan daa kɔ Lawa la, a kɔnpɛ ka Lawa a dí-pɛn lɛn nɛ.

Luku 2:46

A lɛawaa sɔɔbaa ǹ wɔ pinaa kəni, ǹ nə́ woo yaa Lawa a kion, á n giã-n tán landa sii-daraalin bii, a nə́ n too koe ǹ lon, bɛ̀ á n nɔ̀n diɛ ǹ la.

Luku 20:1

Ǹ kɔ́n pinaa Yezu na á goã minin darɛɛ Lawa a kion. A na á goã Boo Tii Kɔɔ̃n kɛ pii. Wúlu-bɔlen goledɛnan nə́ daa ka landa sii-daraalin ni ka min golen ne,

Luku 21:38

Baayɛlɛ yiisoone, zaman lɛ tumaa na á goã die a li Lawa a kion, ǹ nə n too kɔ a boo ganaa.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Galaasi minin 3:8

Lawa a sɛ́wɔ wɔ yiri da a-n lɛlɛ, mà Lawa á re lɛ koe tɔrɔ kɔsɔn ganaa min peperen lɛa ǹ goleemali taman yii. Bɛ lɛ nɛ, á saa lɛlɛ á boo kɔɔ̃n kɛ pɛ Abrahamu ni: «Lawa á re barka diɛ kanaa minin tumaa ganaa n lɛa.»

Kolɔɔsi minin 2:9

Sɛnɛ Krita lɛ sɛ n màn dadaran laanka a goledɛnan kɛn tumaa mìi la. Lawa a Lawabaa din tumaa na á kaa kun, á minbuiin baa asɛ nɛ, á giã a nɛ ka a lɛ-piɛ̃maa nɛ. Kasɛn dɔn kaa-kun ka Krita-n lɛ barka nɛ, ka Lawa a sii tumaa lɛ-piɛ̃ yɛ.