Azee 2:4 - LAWA A BOO SONBORE

⁴ Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

LAWA A BOO SONBORE 2011

⁴ Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Azee 2:4 Iomraidhean Croise

Samayeli2 5:10

Màn na á goã miɛ Davida pàã li woe miɛ̃. Dɛnaa Lawa mɛn bɛ́ pàã tumaa dɛnaa Lawa lɛa, bɛ́ goã kun ni.

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

Ɛsidrasi 10:18

Lawa a wúlu-bɔlen bii, ǹ min mɛnɛn yɛ, ǹ nə́ tɔrɔ kɔsɔn wɔ lɔn lɛa, bɛn tɔn nə́ ke: Zozadaaki a nɛgiĩ Zozoe a nɛgiĩn manɛ, ka ǹ dɔɔ̃nɔn nɛ, Maaseya nɛ, Eliezɛɛrɛ nɛ, Yaribu ni, ka Gedalia nɛ.

Ɛsidrasi 5:2

Salatieli a nɛgiĩ Zorobabeli laanka Zozadaaki a nɛgiĩ Zozoe tɔ́n yoo ǹ nə́ kaa Lawa a kion lɛ a dɔ la Zeruzalɛmu. Lawa a boo gii-dalin nə́ goã kunun ǹ ni, n doe ǹ lɛ.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Azee 1:13

Bɛ lɛ nɛ Dɛnaa Lawa a dia dí-a wole Azee lɛ tɔ́n boo kɛ da zaman nɛ Dɛnaa Lawa a boo gii lɛa. Dɛnaa Lawa pɛ: «Ma á kun ka nɛ.» Ma din Dɛnaa Lawa a da ǹ boo ne.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Zakarii 8:9

Dɛnaa Lawa bɛ́ boo mɛn pii á ke: «Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.

Marki 16:20

A kialandɛnan nə́ woo Boo Tii Kɔɔ̃n pɛ bǎã yii tumaa nɛ. Wɔa Dɛnaa goã dí nyɛɛ kunun ǹ ni, bɛ̀ a nyaa ka kaãbaa ǹ siin ni, mà ǹ bɛ́ boo mɛn diɛ mà taãn nɛ.]

Nya ǹ dín 7:9

Foo wuu pɛ a lɛa, bɛa digolon kɛn lɛn nə́ ǹ diɛ̃ Zozɛfu sã minin la, bɛn nə́ woo ne Ezipti gána nɛ. Sɛnɛ, Lawa goã kun ka Zozɛfu ni.

Korɛnti1 16:13

Ka n yii dɔraa, ka goã doa-n sɔnbɔraa nɛ goleemali gɔ́ɔ̃ nɛ. Ka toa ka goã min kakan lɛa, ka foo n tã.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timəə dí-pɛn 31:23

Bɛ kio, Dɛnaa Lawa nə́ n gɔn waa Nunu a nɛgiĩ Zozoe dɔ nɛ, á pɛ nɛ: «N gù we yii, n nə n foo taã. A giala, man lɛ kɔ Izirayeli minin lɛn la ka gána mɛn a sii ni, n din lɛ n die woe ǹ ne walan. Ma din Lawa á re goɛ̃ kunun n ni.»

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Samayeli1 16:18

Dí-nyalin lɛn min goon ná a lɛ si: «Sonbore, Zesee lɛ, Bɛtlehɛmu min lɛa, ma bɛa nɛginin kɔn yɛ, á boe a dɛ la. Zia-baali sonbore ne, á nɛginin lɛa, á boo diɛ ka yiri ni, a n giĩ siĩn dɔ lɛa. Dɛnaa Lawa tá kun ni.»