Azee 2:3 - LAWA A BOO SONBORE

³ Min tá tɔn ka bii á Lawa a kion kɛa lɛlɛ a gugurubaa kɛ yɛ? Sɛnɛ kanna dɔn, ka n giɛ a ganaa lɔn? A bie màn kooro lɛa ka yii li pelo wa?

LAWA A BOO SONBORE 2011

³ Min tá tɔn ka bii á Lawa a kion kɛa lɛlɛ a gugurubaa kɛ yɛ? Sɛnɛ kanna dɔn, ka n giɛ a ganaa lɔn? A bie màn kooro lɛa ka yii li pelo wa?

Azee 2:3 Iomraidhean Croise

KZS1 22:5

Davida na á goã pii: «Maa nɛgiĩ Salomɔn lɛ á tɔn nɛ ten lɛa, a tɔn sii dɔ̃ wa. Dɛnaa a kion ke die n doe, a tɔ doamaa nɛ a bɔ gána tumaa nɛ a golebaa laanka a siĩnbaa taman yii. Man die a mànan yɔrɔ boe ma ǹ koa nɛ.» Bɛ lɛ nɛ, Davida laan bɛ̀ a n giɛ̃, á sii gigiã yɔrɔ bɔ.

Ɛsidrasi 3:11

Ǹ bɛ́ Dɛnaa Lawa guguru kɔ ǹ loen laanka barka da Dɛnaa Lawa nɛ ǹ loen loe, maǹ nə́ goã siɛ loe-n kun kɛnɛn: «Lawa a siĩni, a kɔn narɛ ba nyɛɛ duduu Izirayeli wɔ paǹ li wa.» Zaman lɛ tumaa goã n lɛ wurii, bɛ̀ ǹ tá Dɛnaa lawa guguru koe, a kion lɛ gòã daa taman yii.

Ɛsidrasi 3:12

Sɛnɛ Lawa a wúlu-bɔlen bii, Levii tɔrɔn bii, kɛdɛnaa yii fuli-an bii, ǹ mɛnɛn nə goã ǹ nə́ lɛlɛ a kion lɛ yɛ, bɛn gigiã wuu pɛ kəə̃kəə̃ ne, bɛ̀ ǹ tá a gialaa kion lɛ a kɛ gòã daɛ ǹ yii-n bii-a. Sɛnɛ, gigiã dɔ goã foo kɔɔ̃nbaa ǹ lɛ-dɛ we.

Izayii 64:10

Wɔ digolon nə goã n tɔ boe kion sonbore siĩn-siĩn mɛn lɛ nɛ, ǹ nə́ tɛ da bɛ ganaa. Màn mɛn tumaa goã kɔɔ̃n wɔ ganaa, bɛ tumaa basaã baa.

Ezekieli 7:20

Ǹ nə́ n saa ǹ nyaǹ màn sonboren kɛn li, ǹ nə́ n dinin gole kɔ. Ǹ nə́ màn nyín bɔbɔnɛɛn tìĩ-bɔlen zɛnaa ka bɛn lɛn nɛ. Bɛ lɛ na á toa, ma á re biɛ *gɔ̀ lɛa ǹ ganaa.

Azee 2:9

Lawa a kion dii ke a gugurubaa á re n gɔn sii a zizi kɛ wɔ la lenlen. Ma á re yii-nyɛɛ diɛ a nɛ. Dɛnaa Lawa Pàãyiidɛnaa a da ǹ boo n ka kɛ nɛ.