Abdiasi 1:5 - LAWA A BOO SONBORE

⁵ Wurumunun kɛn bɛ́ re die kiɛ n li tèlò-n, basaã-kɔlen kɛn bɛ́ re kiɛ n li tèlò-n, n tá re doɛ̃! Ǹ bɛ́ re boe màn mɛn tumaa la, maǹ die bɛ goɛ ǹ wo ne. Rezɛ̃-nalin kɛn ba re màn kɔn toɛ wa, yǎa a nɛ gogoon dinsɔɔ̃.

LAWA A BOO SONBORE 2011

⁵ Wurumunun kɛn bɛ́ re die kiɛ n li tèlò-n, basaã-kɔlen kɛn bɛ́ re kiɛ n li tèlò-n, n tá re doɛ̃! Ǹ bɛ́ re boe màn mɛn tumaa la, maǹ die bɛ goɛ ǹ wo ne. Rezɛ̃-nalin kɛn ba re màn kɔn toɛ wa, yǎa a nɛ gogoon dinsɔɔ̃.

Abdiasi 1:5 Iomraidhean Croise

Samayeli2 1:19

E, Izirayeli, n tɔ lɛ papaã n kelen la, giĩ foo taãnaan lɛn nə́ bɔ ǹ nə́ kaa zia la.

Izayii 14:12

Sɔ̀ tɛ-pɛle, nsɛ baayɛlɛ a nɛ, a n siɛ lɔn kəni n tá niɛ̃ lon mɛnɛɛ? Ń bɔ lon ń mɛnaa! Ǹ nə́ n zũ tán, nsɛ mɛn goã tɔrɔn bɔyɛɛ ǹ kiɛ.

Izayii 17:6

Màn bún dinsɔɔ̃ n die goɛ̃. Gána lɛ n die n biɛ ka *olivie da bɛ́ lɔn, a nɛ sɔlɛɛ kio, nɛ paa hinlaa sɔɔ n die goɛ̃ a lɛwɔn ganaa lon. A gùrù mɛn bɛ́ á nɛ kɔ á la yii ni, bɛa re liɛ nɛ sii hinlaa sooro-n wa. Dɛnaa Lawa, Izirayeli a Lawa a da ǹ boo ne.

Izayii 24:13

Sonbore, tán la, minbuiinin bii, màn taãn kɔn ba re goɛ̃ wa, ka *olivie da bɛ́ lɔn, ǹ na a nɛ tumaa na, ka *rezɛ̃ da bɛ́ lon, ǹ na a nɛ tumaa kaa piɛ.

Zeremii 49:9

Bɛ̀ rezɛ̃ nɛ na wolen nə́ daa ka li, ǹ ba a nɛ gogoon toɛ walan wa? Bɛ̀ wurumun nə́ daa tèlò-n, ǹ bɛ́ re boe màn mɛn la, ǹ bie woe ka bɛ-n wa?

Zeremii 50:23

Baabilonii na á goã yele lɛa, kanaa tumaa yɔyɔrɛ. Á ke, á yɔyɔrɛ, á pɔpɔsɛ. Bɛ na á saa lɔn kəni? A na á saa lɔn, Baabilonii kɛbɔlɔ baa tɔrɔn bii?

Zeremii 6:9

Dɛnaa Lawa Pàãyiidɛnaa a da ǹ boo á ke: Izirayeli min gialakunun kɛn, ka ǹ tumaa goa, ka rezɛ̃ bɛ́ lɔn wuru-n. Ka n gɔn talaa *rezɛ̃ da lɛ la doo gunyin damata, ka ǹ dɛnaa bɛ́ zɛnɛɛ lɔn kaa-piɛ waáraa.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Abdiasi 1:9

E, Temaa minin, nyɛ́ɛ á die kaa zia-baalin kɛn kuĩ. Bɛ lɛ n ke, ǹ tá re Ezawu tɔrɔn kɛn giĩn tumaa dii zia la.

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Sofonii 2:15

Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.

Timəə dí-pɛn 24:21

Bɛ̀ ká kaa rezɛ̃ na, ka nyan wusoo doo, mà ka n woe pipiɛ wa. Màn mɛn bɛ́ goɛ̃ la, ka bɛ toa gùlin manɛ, nɛ toenən ne, ka lɔ giɔɔrɔn nɛ.

Sii-nyaan 18:10

Fuu mɛn bɛ́ a mìi ni, ǹ tá re nyɛ́ɛ biɛ bɛ nɛ, ǹ wo giã tiãlɛa, ǹ nə́ pii: «Bɔ̀n woo bɔ̀n! Bɔ̀n gole Baabilonii kiwi gole pàãdɛnaa lɛ yɛ! A dɔlɔ bɔ ma-a ǹ gɔn yii n ke biikoo goon toto dinsɔɔ̃ nɛ!»