Abdiasi 1:17 - LAWA A BOO SONBORE

¹⁷ Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

LAWA A BOO SONBORE 2011

¹⁷ Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Abdiasi 1:17 Iomraidhean Croise

Loen 69:35

Lon mànan laanka tán wɔn nɛ, yìsi mu laanka a gɔ́ɔ̃gɔ́ɔ̃ ǹ mànan nɛ, ka Lawa tɔ bɔ.

Izayii 1:27

Bɛ̀ Siɔn kiwi kɔ peperebaa ǹ zii lɛ, á re kirisibiɛ. A min mɛnɛn bɛ́ re n bɔyɛɛ ǹ da masɛ li, bɛn tá re kirisibiɛ ǹ peperebaa taman yii.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 65:9

Sɛnɛ, ma á re nɛnyaanan koe Zakɔba a zaman la, maa kelen nə Zudaa tɔrɔn kíɛ̃ baa. Ma min mɛnɛn bɔ, gána lɛ á re bɛn wɔ biɛ, ǹ mɛnɛn bɛ́ dí nyɛɛ ma nɛ, bɛn tá re gɛnɛɛ a nɛ.

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 44:14

Min mɛnɛn yii goã koo Zudaa gána nɛ, ǹ nə́ woo gùli kɔ Ezipti gána nɛ, ǹ kɔn ba re boe la a baa si a la wa. Ǹ kɔn ba re n sii gɛ̀ la wa. Min mɛnɛn tumaa bɛ́ li ǹ wusoo ǹ wo Zudaa gána nɛ, ǹ ba re boe la ǹ wusoo ǹ woo wa, yǎa min gogoon mɛn bɛ́ re n sii gɛ̀ la.»

Zeremii 44:28

Ǹ gogoon dinsɔɔ̃ n die liɛ zia la, ǹ bɔ Ezipti ǹ da Zudaa gána nɛ. Bɛa waáraa kəni, Zudaa min gialakunun kɛn tɔn Ezipti gána nɛ, bɛn tá re doɛ̃ bɛ̀ ǹsɛn boo hinlaa bɛ̀ masɛ a boo n yɔrɔ yii.

Zeremii 46:28

Nsɛ Zakɔba maa dí-nyali, nyɛ́ɛ nyan nə n kũ wa, Dɛnaa Lawa a da ǹ boo ne, a giala ma tá kunun n ni. Ma ka pɛsɛ̃ tɔrɔn mɛnɛn bii, ma á re yui bɛn gialaa, ma ǹ bɔ̀n baa lenlen. Sɛnɛ nsɛ, ma a re n bɔ̀n biɛ lenlen wa. Taãn nɛ, má n doroo ka peperebaa nɛ. A giala, ma a boe la ma n toa walan ka yii tì-a bɛ́ lɔn wa!

Ezekieli 36:12

Ma á re toɛ maa zaman Izirayeli lɛ tɔ wɔ gána lɛ paǹ tumaa nɛ. Ka á re gána lɛ sii ka baa kaa wɔ lɛa. Gána lɛ á re kaa wɔ biɛ, ǹ ba re kaa nɛnyaanan sii ka la doo duduu wa.

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Zowɛli 3:5

Sɛnɛ, min woo min bɛ́ re Dɛnaa Lawa tɔ bíi, bɛa Dɛnaa á re kirisibiɛ. Min mɛnɛn bɛ́ *Siɔn kele kɛ la, Zeruzalɛmu kiwi ni, ǹsɛn mɛnɛn bɛ́ má ǹ bíi ma á re ǹ kirisibiɛ ka ma pɛ lɔn.

Amɔɔsi 9:8

Á ke, Izirayeli gána lɛ na á sii baraa zɛnaa, Dɛnaa Lawa na á n yii soo a ganaa á pɛ kɛnɛn: «Man die ǹ dii lenlen ma ǹ bɔ kanaa. Sɛnɛ, Zakɔba tɔrɔn kɛn, ma a die bɛn tumaa dii wa.» Dɛnaa Lawa a da ǹ boo ne.

Zakarii 8:12

Là nyantoro n die goɛ̃ a tan, *rezɛ̃ dan tá re nɛ koe, tán kɔsiɛ̃ mànan tá re bǐɛ̃ koe, pele á re koe. Maa zaman lɛ a min mɛnɛn yii goã koo, man die ǹ koe bɛn la kíɛ̃ lɛa.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.