Abdiasi 1:15 - LAWA A BOO SONBORE

¹⁵ Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

LAWA A BOO SONBORE 2011

¹⁵ Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Abdiasi 1:15 Iomraidhean Croise

Zɔbu 24:1

Pàãyiidɛnaa bɛ́ re a kiri lɛ kuri lɛawaan mɛnɛn li, wàa na á baa, a bɛn bɔ á ǹ koa wa? Min mɛnɛn bɛ́ Lawa doɛ̃, wàa na á baa, bɛn ba tɔn a lɛawaan kɛn lɛn yii wa?

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 49:12

Dɛnaa Lawa n kɛ pii: «Ka n too kɔ: Min mɛnɛn doamaa bɛ́ ǹ bie ǹ maa foo-yoo ǹ paan lɛ a mu mi wa, n dɔn nə́ mi. Edɔmu, nsɛ n die goɛ̃ dɔlɔ baã? Haayii! Kɛa foo-yoo ǹ paan lɛ, n tá re a mu mii, sàabaa ba la wa.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Zeremii 51:56

Ziziɛ̃ wole lɛ dɔ á nya. A n die yui Baabilonii gialaa, a na a zia-baali zanbian kɛn kũ, a ǹ san yiyiɛ. Taãn nɛ, Dɛnaa Lawa n Lawa lɛa, a n gɛ̀ dòo boe doɛ̃, a n didie sarɛɛ a n kɔnpii ka a zɛnaa ǹ siin ni.

Ezekieli 30:3

A giala, lɛawaa lɛ diri, Dɛnaa a lɛawaa lɛ diri. A n die labara lɛawaa biɛ, a n die tɔrɔn sii yɔrɔ bɔ pinaa biɛ.

Ezekieli 35:11

Bɛ lɛ taman yii, a ma toa ma yii n koo, masɛ Dɛnaa Lawa a da ǹ á ke: – Zɔ́ɔbaa ke ká a yɔrɔ dia Izirayeli minin lɛn la, ka kakaarɛbaa ǹ sii laanka foo a wuu pɛ ǹ sii mɛn zɛnaa ǹ nɛ bɛ gɔ́ɔ̃ nɛ, ma dɔ n die bɛ lɛ miã zɛnɛɛ ka dɔn manɛ. Ma bɛ́ re dɔlɔ mɛn diɛ ka mìi ni, Izirayeli minin lɛn tá re ma doɛ̃ bɛ li.

Ezekieli 35:15

Ka bɛ́ ka n nyɛnyɛɛ Izirayeli gána lɛ a ziziɛ̃ taman yii, ma dɔ á re ka dɔn ziziɛ̃. Seyiiri kele kɛ á re ziziɛ̃, Edɔmu gána din kuturu. a tá re doɛ̃ bɛa biikoo li kəni, mà ma din nə Dɛnaa Lawa lɛa.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Amɔɔsi 5:18

Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

Amɔɔsi 5:20

Dɛnaa Lawa a lɛawaa kɛ lɛ, ka á re n boe a nɛ? A n die tèlò biɛ tì biribiri, wɔlɔ fúlu boo bie wa.

Abakuku 2:8

Ká tɔrɔ gigiã gɔn duduu. A bɛ́ miɛ̃, tɔrɔ gialakunun tá re ka dɔn gɔn dudui. A giala, ka mà kaa tán. Ka kakaarɛbaa zɛnaa gánan manɛ, kiwin ni ka ǹ minin ni.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Sii yɔrɔ-bɔlen 1:7

Bezɛkin kii tɔ́n pɛ: «Kii pɔsɔbaa na á goã màn-bii bisin goɛ masɛ a màn bii ǹ goo giulun, ǹ gɔn a gòon mìi golen laanka ǹ gòãn wɔn nə́ kurii ni. Ma sii mɛn zɛnaa, a din lɛ n ke Lawa ma saraa nɛ.» Ǹ nə́ woo ne Zeruzalɛmu, á gã walan.