Mejieghasan 1:9 - Hudani Kielien

⁹ Bishi tai gaijiu Yaheiya wo. Ersai miende tanre hhantu kunnan shouiku, Hudai gojia, rennai giekude guzide wine. Bi Hudai kieliende oluzhi Ersade ganzhen beiku yenyinghala Bamo giesan haini dao jiere bafanzi souzho.

Mejieghasan 1:9 Iomraidhean Croise

Matai 20:23

Ersa kieliewo, "Bi shouiku kuni ta shouinema, mii lianmien kanzide soughakui bi ogiku pusho. Adami kiende zhunbei giezhoshi kiende ogine."

Make 10:39

Hhela kieliewo, "Jienliene." Ersa kieliewo, "Bi shouiku kuni ta shoui, bi jienlieku xilini ta jienlienema,

Yaheiya 16:33

Bi ene kielienyi kieliekushi ta mii tungo giezhi pinnanyi jienlieghane giezho. Ta duyade shouku gienema, zhughene khidunde gie! Bi duyani injiwo!"

Tujila 1:15

Hhe oloncha chabudu 120 gie gaijiula hhantulakude Beduru bosizhedene kieliewo,

Tujila 14:22

Hhela tujilai zhugheini khiduzheghazhi izhi xianxin gie giezhi sughazhi kieliezho. "Matan Hudai gojiade orone giese bixi olon ku shouine."

Loma 8:17

Kewosi enbese jiachanyi jienliechen enbene. Matanshi Mexihare hhantu jiachanyi jienliechen Hudai kewosi wo. Matan hhere shouku giekude hhantulase famadeye hhantulane.

Loma 8:25

Matan chujieghe dakune onxian giese rennai giezhi panjikuni wo.

2Gelindo 1:7

Ta bijien mutun ku shouise sidaghaku kielienyiye jienliekui bijien mejiene, ingiese bijien tande xiwon giesan goujida ulie bienjine.

Feilibi 1:7

Bi ingiezhi tai man sumulase indanji wo, ta mii zhughede wine. Bi bafanzi soukude, pse gouxioxide oluzhi huizhi ganzhen beikude Huda made ogisan nenjiende ta man hhantulazho.

Feilibi 4:14

Ingiezhoma, bi kunnan bikude ta mare hhantu danjizho, ingiese gou wo.

2Qiesalonijia 3:5

Ezhan tai zhughei uduruzhi Hudai orekude, Mexihani rennai giekude echigha gie!

2Qimotai 1:8

Ingiese chi mai Ezhande ganzhen beizhi bi Ezhanyi yenyin jiere fanren gholuse shizhene bu gie. Matan Hudai nenlighala gouxioxide hhantu shouku gieye.

Xibolai 10:36

Ta Hudai isii gie baraghazhi dain giesei jienliene giese rennai gieku biyo wine.

1Beduru 5:1

Tai dunda zhanlao danlasan kunlade bi sughazhi kielieye. Biyeshi zhanlao wo, Mexiha shouku giekude ganzhen beizhi jianlai khizheku famade hhantu xianshou giechen kun wo.

Mejieghasan 1:1

Eneshi Ersa Mexiha mejieghasan wo. Deigo fashen giene giesan shiqinni hojiladene uzheghane giezhi Huda Ersade mejieghasan wo. Ingiese Ersa Mexiha qienxienne peizhi Yaheiya hojidene qinchude mejieghawo.

Mejieghasan 1:2

Yaheiya chanlasanlane man ganzhen beiwo. Jiushi Hudai kielien, pse Ersa Mexiha hhende mejieghasanlai ganzhen beizhi kieliewo.

Mejieghasan 1:4

Yaheiya Yaxiyani dolon jiohuide xin huaizho. Edeku, eqighanku, jianlai ireku Huda, hhei baozo meliededu dolon ruhher, pse shixinji ganzhen beisan, fugusan kun dundase tou 1 giede aminne olusan, duyai honshan dunda touzi danlasan Ersa Mexiha tande nenjien, pinnan ogi gie! Hhe matande orezhi goya chusunghalane zuise mai andaghazhi

Mejieghasan 1:6

gojia gholughazhi hhei ada Hudai melie buwa danlaghawo. Kuaiku, qienlini Ersa Mexihade chanqi izhi ogi! Amine.

Mejieghasan 11:7

Hhela ganzhen bei balukude jizi witu nokiense khizhesan yewo hhelare eghinduzhi injidene hhelai alane.

Mejieghasan 12:11

Gaijiula lunni injikushi ghoni ghughanyi chusun, pse goyalane ganzhen beisan daolighala wo. Hhela amindene ulie orezhi fugukude kuzho.

Mejieghasan 12:17

Lun biereide hokudene biereini psedu kesilare eghindule echizho. Ene kesilashi Hudai minlinyi zunjizhi Ersade ganzhen beisanla wo.

Mejieghasan 13:10

Qianla echiku kunyi kenjin qianla echine. Khudoghoghala alaku kunyi kenjin khudoghoghala alane. Ingiese shentulade bixi rennai, xianxin gieku bikui wo.

Mejieghasan 14:12

Ingiese Hudai minlinyi zunjizhi Ersai xianxin gieku bisan shentulade bixi rennai bikui wo.

Mejieghasan 19:10

Ingie bi hhei kon konde papaladene hhei beiine giese hhe kieliezho, "Ulie olune! Biye chighala, pse chii hhezighan Ersade ganzhen beisan gaijiulare hhantu hoji danlasan wo. Chi Hudai beii. Hudai kielienyi jianjiku dunda zui zhunyonishi Ersade ganzhen beiku wo."

Mejieghasan 20:4

Bi pse ezighan baozo, baozo jiere sousanlai chanlawo. Hhelade panjiku qienlii ogizho. Bi pse hhezighan Ersade ganzhen beizhi Hudai kieliende oluzhi qiorunni pienjisan kunlai ruhherni chanlawo. Hhelashi yewo, yewoni nigiedai ese beiizhi manlou kha jiereni zhanzi ese taisan kunla wo. Hhela aminne oluzhi Mexihare hhantu 1000 nien honshan danlawo.

Mejieghasan 3:10

Chi mii kielienyi zunjizhi rennai giezho. Ingiese duyai kunlai man kaoyen gieku shihoude bi chii baohu giene.

Mejieghasan 6:9

Ji 5 gie fenqioni keighakude bi chanlase sidagha gieku teizi doura Hudai daolide oluzhi, pse hhende ganzhen beisande oluzhi alasan kunlai ruhher wine.

Mejieghasan 7:14

Bi hhende kieliewo, "Mii gujiu, chi mejiene." Hhe made kieliewo, "Enezighan kunla zeinan dundase khizhezhi ghoni ghughanyi chusun hhelai jienni waghazhi chighanshighazho."