Mejieghasan 1:2 - Hudani Kielien

² Yaheiya chanlasanlane man ganzhen beiwo. Jiushi Hudai kielien, pse Ersa Mexiha hhende mejieghasanlai ganzhen beizhi kieliewo.

Mejieghasan 1:2 Iomraidhean Croise

Yaheiya 1:32

Yaheiya pse ganzhen beizhi kieliewo, "Bi melieshi chanlase Shenlin ghoghochen mutun asiman jierese bouzhezhi hhei jiere luiwo.

Yaheiya 12:17

Ersa Lasalui mezase waradazhi khizhedene aminne olughakude shidani beisan kunla hhe giesan shiqinyi kunlade izhi kieliezho.

Yaheiya 19:35

Ene shiqinyi qinsi uzhesan kun ganzhen beizhi tai xianxin gieghane giezho. Hhe beisan ganzhenshi zhenni wo. Goyane kieliesanshi zhenni bikui mejiene.

Yaheiya 21:24

Ene kunshi ene shiqinlade ganzhen beizhi jilasan hhe tuji wo. Hhe beisan ganzhenshi zhenni bikui bijien mejiene.

Yaheiya 3:11

Bi shuhuajia kielieye, bijien mejiesanne tande kieliezho, chujieghesanne ganzhen beizhoma, ta bijienyi kielienyi xianxin ulie giene.

Tujila 22:15

Chi chanlasan, chenliesanne soyuji kunlai melie hhe kunde ganzhen beine.

Tujila 26:16

Chi bosizhedene bei. Bi goyane chade xienjighakushi chii goyadene hoji danlaghazhi chi mii chanlasan shiqinde, pse bi chade jianlai xienjighaku shiqinde ganzhen beighane giezho.

Tujila 4:20

Bijien chujieghezhi sonosusanne ulie kieliezhi ulie olune."

1Gelindo 1:6

Ingiezhi Mexihade beisan ganzhen tai dunda khiduzhezho.

1Gelindo 2:1

Gaijiula, eqighandei bi tai hhende echizhi Hudai mimii chonjikude seighan kielien, aghelighala ese giezho.

1Yaheiya 1:1

Hhe dei qiikude bisan aminni kielien giezhi urusan hhei tande kielieye. Bijien hhei chenliezhi daowo, nudundene chujieghezhi daozho, qinsi uzhezhi khaghalane maqizhi daowo.

1Yaheiya 4:14

Ada kewonne peizhi duyani kunlai jiuighale iresei bijien chanlawo, ye ganzhen beine.

3Yaheiya 1:12

Olon kunla Jimijiushi gou kun wo giezho, zhendao benshen hhende ganzhen beine. Bijienye hhende ganzhen beine. Bijien beisan ganzhenshi zhenni bikuni ta mejiene.

Mejieghasan 1:11

Hhe shenqi kieliezho, "Chi chanlasanne man shu jiere huaizhi Ifuso, Shimeina, Biejiamo, Tuiyatuila, Saji, Feilaqiefei, Laojijia ene dolon jiohuide khugho!"

Mejieghasan 1:19

Chi chanlasanlane man huaizhi jila. Jiushi edeku shiqinji khuina gholuku shiqin wo.

Mejieghasan 1:9

Bishi tai gaijiu Yaheiya wo. Ersai miende tanre hhantu kunnan shouiku, Hudai gojia, rennai giekude guzide wine. Bi Hudai kieliende oluzhi Ersade ganzhen beiku yenyinghala Bamo giesan haini dao jiere bafanzi souzho.

Mejieghasan 12:11

Gaijiula lunni injikushi ghoni ghughanyi chusun, pse goyalane ganzhen beisan daolighala wo. Hhela amindene ulie orezhi fugukude kuzho.

Mejieghasan 12:17

Lun biereide hokudene biereini psedu kesilare eghindule echizho. Ene kesilashi Hudai minlinyi zunjizhi Ersade ganzhen beisanla wo.

Mejieghasan 20:4

Bi pse ezighan baozo, baozo jiere sousanlai chanlawo. Hhelade panjiku qienlii ogizho. Bi pse hhezighan Ersade ganzhen beizhi Hudai kieliende oluzhi qiorunni pienjisan kunlai ruhherni chanlawo. Hhelashi yewo, yewoni nigiedai ese beiizhi manlou kha jiereni zhanzi ese taisan kunla wo. Hhela aminne oluzhi Mexihare hhantu 1000 nien honshan danlawo.

Mejieghasan 22:21

Ezhan Ersani nenjien shentulare man hhantu bi gie. Amine!

Mejieghasan 6:9

Ji 5 gie fenqioni keighakude bi chanlase sidagha gieku teizi doura Hudai daolide oluzhi, pse hhende ganzhen beisande oluzhi alasan kunlai ruhher wine.