Make 13:10 - Hudani Kielien

¹⁰ Pse gouxioxini go minzulade matugieseda xien chonjizhi ogine.

Make 13:10 Iomraidhean Croise

Matai 12:41

Panjiku udude Niniwi kunla bosizhezhi ene idai kunlai zuini jinjine. Ingiekushi Niniwi kunla Yunusi chonjisei chenliedene geizhen giewo. Uzhe, enende Yunusise pse fugieni wine!

Matai 24:14

Asiman gojiani gouxioxini qienxiade chonji kurughazhi soyuji minzulade ganzhen beidene caigie duya baraku kuzhene."

Make 16:15

Pse hhelade kieliewo, "Ta qienxiade man echizhi gouxioxii soyuji zhayaghasanlade chonji.

Loma 1:8

Bi xien ta dajialade oluzhi Ersa Mexihai tungo giezhi bi zunjisan Hudade mafan kieliekushi ta xianxin giesei qienxiani kunla man mejiezho.

Loma 10:18

Bi nie asaye. Kunla ese chenliewu? Kenjin chenliezho. "Hhelai shenqi qienxiade kuruwo. Hhelai kielien duyani uzhude kuruwo."

Loma 15:19

Ghudureqi, fugie shiqinyi nenlighala, pse Hudai Ruhheryi nenlighala giesan wo. Bi Mexihai gouxioxii Yelusalense izhi Ililigude man chonji kurughawo.

Geloxi 1:23

Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi Baoloye ene gouxioxide hoji danlazho.

Geloxi 1:6

Tai hhende iresan ene gouxioxi qienxiade chonji kurudene olodozhi jiego khizhezho, zhen ta gouxioxini chenliedene Hudai nenjienni zhenzhenji dunjireku hhe uduse qiizhi tai dunda jiego khizhesanghala niekielien wo.

Mejieghasan 14:6

Bi chanlase da nie qienxien asimande musizhi zemin jiere sousan go gojia, go pai, go kielien, minzulade chonjiku chanqiku gouxioxii bareizho.