Make 12:36 - Hudani Kielien

³⁶ Dawude goya Shenlinni tungo giezhi kieliewo, 'Ezhan mii Ezhande kieliewo, "Bi duitoulaichii kon dourachii teitula chi mini borun miende sou."'

Make 12:36 Iomraidhean Croise

Matai 5:35

Zeminyi zhiizhi fayen bu gie. Hheshi Ezhan kon teiku bandou wo. Yelusalenyi zhiizhi fayen bu gie. Hheshi fugie honshanni chenshi wo.

Tujila 1:16

"Gaijiula, jinwun jiere Shenlin Dawudei amanghala melieshi kieliesan mutun Yuda kunlai uduruzhi Ersai bareiku shiqin zhao hhe mutun gholuse indanji wo.

Tujila 28:25

Hhelai ijien kiemai ijien buxianshi sandane giekude Baolo nie aman kielien kieliewo, "Shenlin Isaiya xienzhii tungo giezhi tai xienrenlade kieliesan kielien ese codazho,

1Gelindo 15:25

Huda Mexihare duitou danlasanlai man hhei kon doura teitula hhe bixi honshan danlane.

2Qimotai 3:16

Jinwunshi man Huda kunyi zhughei gojiolughazhi gieghasan wo. Kunlade surughakude, kheilakude, geizhen gieghakude, olusanyi gieghakude zoin wine.

Xibolai 1:13

Huda alinie qienxiende, "Bi duitoulaichii kon dourachii teitula chi mii borun miende sou." giezhi kieliezhi daozho?

Xibolai 4:7

Huda pse niekozi udui enedu giezhi jinjidene khuinashi Dawudei tungo giezhi ene udui kieliezho. Eneshi jiere injisan jinwun wo, "Enedu ta Hudai shenqii sonosuse zhughene bu khiduzhegha."

1Beduru 1:11

Hhela Mexihashi kien bikui, yan xienzide irekui yenjiu giezho. Mexiha shouku giedene khuinashi fama irekui Mexihani ruhher hhelai sudoro melie kieliezho.

2Beduru 1:21

Melie kieliesan kielienshi kunni isighala kieliesan pusho, Shenlin kunni zhughei gojiolughadene Hudai isii kielieghazho.