Lujia 9:26 - Hudani Kielien

²⁶ Kien mase pse kieliensemi jiuren giese Kunnikewon goyane famade, pse Ada, zhiguitu qienxienlai famade irekude hhenseye jiuren giene.

Lujia 9:26 Iomraidhean Croise

Matai 16:27

Kunnikewon qienxienlarene hhantu hhei adani fama dunda irene. Ingiekude zhao kunni giekughala jien kunde kharulune.

Matai 25:31

"Kunnikewon qienxienlare man hhantu goya fama dunda irekude hhe famatu baozo jierene soune.

Matai 26:64

Ersa hhende kieliezho, "Chi goyane kieliezho. Ingiezhoma bi tande kielieye, Ta enedu khuinashi Kunnikewon Nenlitu Hudai borun miende sousei, pse asimanni olien jierese irekui chanlane."

Make 8:38

Kien ene piofen giezhi zui fanjisan duyade bi, kieliensemi jiuren giese Kunnikewon Adane fama dunda zhiguitu qienxienlare hhantu irekude hhenseye jiuren giene."

Yaheiya 12:43

Hhela kunni kuaikui Hudai kuaikuse xiqi wo.

Yaheiya 5:44

Ta nieniene kuaikui jienlienduzhoma, niekozi Hudase iresan kuaikui ulie ereine. Ingiese ta mii matui xianxin giene?

Tujila 10:22

Hhela kieliewo, "Baifuzhan Geniliushi Hudai zunjisan nie gou kun wo. Yutai kunla man hhei zunzhun giene. Nie zhiguitu qienxien hhende kieliezhi chii xinlazhi giedene iredene chi jianjisei chenlie giezho."

Loma 1:16

Bi gouxioxise ulie shizhene. Gouxioxishi soyuji xianxin giesan kunlai jiuiku Hudai nenli wo, xien Yutai kun, pse Xila kun.

2Gelindo 12:10

Bi Mexihani yenyinde oluzhi zholien, shizheghaku, kunnan, heiku, chijia bikude bayasuzho. Bi yan shihoude zholienshi yan shihoude khidun wo.

Jialatai 6:14

Bi zinie matai Ezhan Ersa Mexihani shizijiase chugo psedulai ulie kuaisejiu. Shizijiai tungo giezhi bi fugusan mutun duyare gonxi widazho. Duyaye fugusan mutun mare gonxi widazho.

1Qimotai 5:21

Bi Huda, Mexiha Ersa, sunghusan qienxienlai melie tai goude fenfulaye. Enezighan kielienlai pienxin bu giezhi goude zunji. Yan shiqin giese gundande gie.

2Qimotai 1:12

Ene yenyin jiere bi enezighan kui shouizhoma, shizhene ulie giene. Ingiekushi bi kiende kouisanne mejiene. Pse hhe niudu kurutula bi hhende jiuizhi ogisei hhe baohu gie shidakui bi hende xianxin giezho.

2Qimotai 2:12

Matan rennai giese hhere hhantu honshan danlane. Matan hhei ulie tanise hheye mai ulie tanine.

Xibolai 11:26

Hhe Mexihade oluzhi uru giesei uzhedan Aijini boubeise gundude uzhezho. Hhe jianlaiku jianlini sagheizho.

Xibolai 13:13

Ingiese matan kunla sousan oronni ghadanedu hhei hhende echizhi uru giesanyini danjiye.

Yuda 1:14

Jiushi enezighan kunlai zhiizhi Adanni 7 dai sunzi Idileisi Hudai kielienyi deilazhi ingiezhi melie kieliewo, "Uzhe, ezhan qienwon zhiguitu qienxienlarene iredene

Mejieghasan 1:7

Uzhe, hhe olien jiere irene. Jien kunla hhei uzhene. Hhei chujisan kunlaye uzhene. Duya jieredu minzula man hhei yenyinzhe wilane. Shuhuajia ingiene. Amine!

Mejieghasan 20:11

Bi pse nie chighan fugie baozo, baozo jiere sousanyi chanlawo. Hhei meliese asiman, zemin piizhi hhelai pse chanla dawo.

Mejieghasan 21:8

Danzi meilatu, xianxin ulie giechen, hanzhan gieghachen, kun alachen, lon kijiechen, fashu shuaichen, nigieda beiichen, da soyuji ghudan kieliechen kunlai guzi siderasan liuhontu khantu hude wo. Eneshi ji 2 hui fuguku wo."

Mejieghasan 3:5

Injisan kunla ingiezhi chighan jien musizhi hhelai nierei aminni jilasan benzi jierese ulie widaghane. Bi adane melie, hhei qienxienlai melie hhelai nierei chenren giene.