Lujia 13:19 - Hudani Kielien

¹⁹ Hoxian nie caizi furei xianli. Kun agizhi echi yenzidene tareise fugiedazhi mutun gholuse chala jiere bunzhula holiene."

Lujia 13:19 Iomraidhean Croise

Matai 17:20

Ersa kieliewo, "Tai xianxin gieku texien gaji wo. Bi tande shuhua kielieye, tande caizi fure chigei xianxin gieku bise ta ene ulade enense noidene hhende dao giezhi kieliese daone, ingiese ta yama gie dakui uwo."

Make 4:30

Ersa pse kieliewo, "Hudai gojia yanni xianli? Matan yanghala bilane?

Lujia 17:6

Ezhan kieliewo, "Tande caizi fure chigei xianxin gieku bise ta ene sunshu mutunde chi genzilada khizhe haide echi osi gieseye kielienyichii chenliene."

Tujila 2:41

Hhei kielienyi xianxin giesan kunla xili jienliewo. Hhe niudude xianxin giesan kun chabudu 3000 olodowo.

Tujila 21:20

Hhela chenliedene Hudai kuaizhi Baolode kieliewo, "Gaijiu, chi mejiene. Ezhanyi xianxin giesan Yutai kun hao jiwon wine. Hhela Musani guijinde chighara no wo.

Tujila 4:4

Ingieliuzhe hhela jianjisan kielienni chenliedene xianxin giesan kun olon wo. Xianxin giesan ere kun 5000 gholuwo.

Loma 15:19

Ghudureqi, fugie shiqinyi nenlighala, pse Hudai Ruhheryi nenlighala giesan wo. Bi Mexihai gouxioxii Yelusalense izhi Ililigude man chonji kurughawo.

Mejieghasan 11:15

Ji 7 gie qienxien labani feiliese asimande fugie shenqila bizhi kieliezho, "Duyani gojia mai Ezhanji hhe teisan Mexihani gojia gholuwo. Hhe chanqi izhi honshan danlane."