1Beduru 4:13 - Hudani Kielien

¹³ Mexiha mutun hhere hhantu shouku giezho giezhi bayasundu. Ingiese Mexihai famatui khizheghakude ta hende bayasuzhi jiuline.

1Beduru 4:13 Iomraidhean Croise

Matai 16:27

Kunnikewon qienxienlarene hhantu hhei adani fama dunda irene. Ingiekude zhao kunni giekughala jien kunde kharulune.

Matai 25:21

Ezhanni kieliewo, 'Giesan gou wo. Chishi gou, kekaotu hoji wo. Ga shiqinde shixinji giezho, bi chii olon shiqinlai gonjighane. Ezhanghalane hhantu bayasu.'

Matai 25:23

Ezhanni kieliewo, 'Giesan gou wo. Chishi gou, kekaotu hoji wo. Ga shiqinde shixinji giezho. Bi chii olon shiqinlai gonjighane. Ezhanghalane hhantu bayasu.'

Matai 25:31

"Kunnikewon qienxienlare man hhantu goya fama dunda irekude hhe famatu baozo jierene soune.

Matai 25:34

Ingie honshan borun mienne kunlade kieliene, 'Adami fuqi ogisan kunla, irendu. Duyai zhayaghazhi iresanse tande zhunbei giesan gojiani jienliendu.

Matai 5:12

Ta hende bayasundu, asiman jiere tande ogiku jianli fugie wo. Tanse melieshiku xienzhilaiye ingiezhi biizhi daozho."

Make 8:38

Kien ene piofen giezhi zui fanjisan duyade bi, kieliensemi jiuren giese Kunnikewon Adane fama dunda zhiguitu qienxienlare hhantu irekude hhenseye jiuren giene."

Lujia 17:30

"Kunnikewon xienjiku ududeye ingiene.

Tujila 16:25

Banye olukudeni Baolo Seilaghala onxian giezhi Hudade doulazho. Fanrenlaye chenliezho.

Tujila 5:41

Shitula Ersai nierede oluzhi jiuren giese pei shidane giezhi hende bayasudene zui fugie fayense likai giewo.

Loma 5:3

Zinie ene pusho. Chijia dundaye bayasune. Chijiase rennai surune,

Loma 8:17

Kewosi enbese jiachanyi jienliechen enbene. Matanshi Mexihare hhantu jiachanyi jienliechen Hudai kewosi wo. Matan hhere shouku giekude hhantulase famadeye hhantulane.

Loma 8:18

Bi uzhese edeku shouku gieku jianlai matande ireku famaghala bilazhi ulie olune.

2Gelindo 1:5

Matan Mexihai kui olon shouisan mutun Mexihai tungo giezhi sidaghaku kielienye olon wo.

2Gelindo 1:7

Ta bijien mutun ku shouise sidaghaku kielienyiye jienliekui bijien mejiene, ingiese bijien tande xiwon giesan goujida ulie bienjine.

2Gelindo 4:10

Bijien beye jierene Ersani duya ijiekui chan deilakushi Ersani aminni bijienyi jiereye xienjizhi khizheghane giezho.

2Gelindo 4:17

Bijienyi zhanshi jieredu gongien kunnan jianlai ireku hashu witu chanqiku fugie famani chenjighane.

Feilibi 3:10

Bi Mexihani tanizhi hhei aminne olusan nenlii mejieku duran wine. Pse hhere hhantu ku shouizhi hhei fugukui daghaku duran wine.

Geloxi 1:24

Ede bi tande oluzhi bayasuzhi ku shouizho. Mexiha beyedene, yejiushi jiohuide oluzhi ese shouizhi baraghasan kuini bi beye jierene shouizho.

2Qimotai 2:12

Matan rennai giese hhere hhantu honshan danlane. Matan hhei ulie tanise hheye mai ulie tanine.

1Beduru 1:13

Ingiese ta zhughedene zhunbei giezhi jinxin giedene Ersa Mexiha xienjikude tande deilazhi ireku nenjienyi goude panji.

1Beduru 2:21

Shouku gieliuzhe gouni giekude Huda tai uruzho. Mexihaye tande oluzhi shouku giezhi yanzi uzheghawo. Tai goyane korolon mutun yoghane giezho.

1Beduru 5:1

Tai dunda zhanlao danlasan kunlade bi sughazhi kielieye. Biyeshi zhanlao wo, Mexiha shouku giekude ganzhen beizhi jianlai khizheku famade hhantu xianshou giechen kun wo.

1Beduru 5:10

Nenjien durusan Huda, Mexihai tungo giezhi tai uruzhi hhei chanqiku famade ireghasan hhe zhanshi jiere shouku giesan tai qinsi hulunshighazhi khiduzheghane, lilian ogizhi undanlaghane.

Yuda 1:24

Huda tai baohu giezhi ulie hhengereighane, tai zannannilai man widaghazhi bayasughazhi goyane fama melie beigha shidane.

Mejieghasan 1:7

Uzhe, hhe olien jiere irene. Jien kunla hhei uzhene. Hhei chujisan kunlaye uzhene. Duya jieredu minzula man hhei yenyinzhe wilane. Shuhuajia ingiene. Amine!

Mejieghasan 1:9

Bishi tai gaijiu Yaheiya wo. Ersai miende tanre hhantu kunnan shouiku, Hudai gojia, rennai giekude guzide wine. Bi Hudai kieliende oluzhi Ersade ganzhen beiku yenyinghala Bamo giesan haini dao jiere bafanzi souzho.