1Beduru 3:15 - Hudani Kielien

¹⁵ Zhughedene Mexihai zunjizhi hhei ezhan danlagha. Kunla ta zhughedene panjisei asase suishisui huida giekui zhunbei gie.

1Beduru 3:15 Iomraidhean Croise

Tujila 21:39

Baolo kieliewo, "Bishi Yutai kun wo. Jilijiani nie minshentu chenshi Dashuni hukouni bareizho. Bi chii xiahua gieye, mii bexinlade nie kielien kieliegha."

Tujila 24:25

Baolo gundande gieku, goyane kunzhi gieku, jianlai ireku shenpanni kieliese Feilisi hende ayidene kieliewo, "Chi xian echi, made fanbien winekude chii uruzhi ireye."

Geloxi 1:23

Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi Baoloye ene gouxioxide hoji danlazho.

Geloxi 1:27

Ene mimi niman kunlai dunda zhengiejia fama bikui Huda shentuladene mejieghane giezhi duralawo. Ene mimishi tai sudoro bisan Mexiha wo, jiushi famanide echighaku xiwon wo.

Geloxi 1:5

Xianxin gieku, orekushi tande asiman jiere sunjisan xiwonse irezho. Ene panjikushi ta melieshida zhenzhenji daoli, jiushi gouxioxise chenliesan wo.

Geloxi 4:6

Ta kielien kieliese dansunghala andatughaku mutun chan renyide kielie. Ingiese jien kunde matugie huida giekui mejiene.

Qido 1:2

Ene zhendaode chanqiku aminni xiwon wine. Eneshi ghudan ulie kieliechen Huda duyai zhayaghaku melie matande dain giesan wo,

Xibolai 3:6

Mexiha Hudai giede kewon danlazhi shixinde giezho. Matan danzine fugiedaghazhi panjisanne goude bareise matanshi mechi wo.

Xibolai 6:1

Ingiese matan Mexihani daolii kaishi giekui khuinane jiedene, fugughaku wilielai geizhen gieku, Hudai xianxin gieku, xilini surughaku, kha teizhi onxian gieku, fugusan kun aminne oluku, zuihou shenpan gieku enezighan jichulai pse bu daidene hulunshikude daiye.

1Beduru 1:17

Ta xiahua giekude kunni pienxin ulie giezhi kunni giekughala panjichen Ezhanni Ada giezhi uruse ta zhanshi jiere duyade bikude hhei zunjizhi udu dao.

1Beduru 3:2

Yenyinshi ta zunzhun giezhi ganjinde udu daosei hhela chanlawo.

1Beduru 3:4

Khareidene ta renyi, undantughala sudorone dabala. Eneshi ulie xiuqiraku seighanni wo, Hudai melie zhigui wo.