Yohannis 4:10 - Saaho Cusub Cahde

¹⁰ Yeesus lel: “Yallih muttuxuwa kee kado: ‘Macaba yoh uxuu’ kok arhxuk yane tiya teerhegeh takkeedo, atu kaa essere dhadhdhe, usuk lel aniinat laye koh axaye dhaarhe” akko yerhxe.

Yohannis 4:10 Iomraidhean Croise

Luukas 11:13

Amaydo, atin uma mara kitin hanuk, sinni cindhamah mece muttuxuwa yaxaynim taarhegiinih yekkemko, carshelle geytima Abba kaa esserinnan marah amayimko ziyaada Quddus kin Ufaye yaxaye!”

Yohannis 16:3

Tayim aboona loonim lel Abba hido yotta yeerhegiinih miyaniinimhi sabbatah kinni.

Yohannis 17:3

Umman geedit aniina tatiya kinni: rummaahit inki Yalla atu bisa kitom kee atu farteh tanito Yeesus Masiix yaarhigiinim.

Yohannis 3:16

“Yalli caalam mangum yikxinemhi sabbatah, kayyah aamininnanti yalayemko, umman geedit aniina geyo ciloh, inkettak le ishi Barha yoxoye.

Yohannis 4:14

Anu akah axawo liyo layeko yaacabo aallinnanti laakin caduruh umman geddah bakhaarito maki. Anu akah axawo liyo laye illa adde tekkeh umman geedit aniina fanah adde raxto kinni” akko yerhxe.

Yohannis 6:35

Yeesus: “Anu aniinat folo kiyo; yottalle amiitinnanti safriito maki, yottah aamininnanti lel bakhaarito maki.

Yohannis 6:51

Anu aniina-le folo carsheeko obteya kiyo. Ta folooko beetinnanti, umman geddah maro kinni. Ta caalamti aniinah axawo liyo folo lel yi xazo kinni” yerhxeh alle yedebbe.

Fartottit hi Abittot 9:11

Maddari lel: “Ugutaaki tamaa: ‘Rig-yarhxe’ akko yarhxin araxalle tedeeh, Shaa-uul akko yarhxin xiyawti Tarsusko kinya dhaaco abak yanek, Yahuudaati caredde kaa wagii.

Rooma 8:32

Ishi Barha umman nottah yaxaw suumutinnixeti, aaginah kaalih ummannim amaa ginah noh axaye waya?

1 Korintos 1:30

Atin kaa sabbatah Yallih kas, xaqqe, anqaddas kee muuca noh yekke Masiix kin Yeesusudde kinni taniinim,

1 Korintos 10:4

inkoh lel inki macaba yinqiddiseya yoocobin. Amaa ten kataa yine yinqiddise qooqhaxko yoocobin, amaa qooqhax lel Masiix kuuk yine.

2 Korintos 9:15

Tamaa taye kinni yerhxiinih adde waanishoona taanan kaa muttuxuwah, Yallah xamde takkoo!

Efesos 2:8

Atin lel imaan araxah nicmah gargeerimteenih tanin. Tayim Yallih muttuxuwa kibah sin abitto maki.

Cibraan 6:4

Tamaa wuli gedda ifo geyenyaako carshi muttuxuwaako dhacameenih, Quddus kin Ufaye yengele mari,

1 YOHANNIS 5:20

Yallih Barhi yemeeteh yanem, rumma kin tiya naarhago ciloh fahme noh yoxoyeh yanem naarhige. Nanu lel rumma kin tiyadde, kaa Barha Yeesus Masiixidde nane. Tati amaa rummaahit Yalla kee umman geedit aniina kinni.

Waxye 21:6

Sarrah: “Abayshimte! Anu Alfa kee Oomeega, erhedhdho kee sarroorimto kiyo. Bakhaarite tiyah lel aniinat layehi raxeenaako amaa ginah akah axawo kiyo.

Waxye 22:17

Ufaye kee cibna lel: “Amo” yarhxin. Amaa yaabbeti lel: “Amo” yarhxoo. Bakhaarati lel yamaatoo; farhati amaa aniinat layeko amaa ginah bishshiitoo.

Waxye 7:17

Amayim lel, tamaa nugus-kursehi fanadde yane Leemi ten loyna yakkeh, tane layet raxeena fanah lel ten santisheyaako, Yalli ten intit hi dhiimo inkoh akah kalo kinamhi sabbatah kinni.”