Yohannis 3:3 - Saaho Cusub Cahde

³ Yeesus lel: “Rummah, rummah malammih aabukinnixeti, Yallih nigsinna yablo mirhiicam kok arhxiyuk ane” yerhxeh alle yedebbe.

Yohannis 3:3 Iomraidhean Croise

Maatiyos 16:17

Yeesus lel: “Simcoon Yoonaas barha, tayim ku tuybulluwem carshelle geytima yi Abba kibah xazo kee biilo makiiki, atu baraka-letiya kito.

Maatiyos 19:24

Gaddaale kin xiyawti Yallih nigsinnadde orobamko, gaalatti ibrat intiiko tillaabam akko ruhuwam, malammih lel sinak arhxiyuk ane” akko yerhxe.

Maatiyos 21:31

Ta lammaako awlihti abbat farhi abe?” akko yerhxe. Usun: “Aftiti” akko yerhxin. Yeesus lel: “Miiri yaskattit kee sharaamuth sinko yaakumiinih Yallih nigsinnadde oroboona kinoonim rummah sinak arhxiyuk ane.

Maatiyos 5:18

Caran kee baarho talayendah, ummannim takmilendah, sercatko walaa cindhaa xarfi hido cindhaa dhimmiyo akko talawo makinam, rummah sinak arhxiyuk ane.

Markos 10:14

Yeesus laakin tayim yuble gedda, yixriqheyaako: “Yallih nigsinna ta gina-le marah kinnik, cindham yolle yamaatoonaaki ten mideesina.

Markos 9:47

Ku inti zambedde ku sayishshemko, teyyeeceh cid. Lamma intiilih ‘kaa awwaaxa akko alayinnixe, kaa gira lel akko badinnixe’ jahannabadde ciddittamko inki intiilih Yallih nigsinnadde orobtam koh tashshe.

Yohannis 1:13

Ta mari lel biilooko hido xazottat farhiiko hido labhatti farhiiko akkekkah Yallaako toobokem kinon.

Yohannis 1:5

Ifi ditedde ifisha, dite lel kaa tiscireh mitane.

Yohannis 1:51

“Carshi fakkiteyaako Yallih malaykut Xiyawti Barhalle oobak kee korak tabloona kitiinim, rummah rummah sinak arhxiyuk ane” lel akko yerhxe.

Yohannis 12:40

“Sinni intitih yabliinimko, sinni afcaadoh yifhimiinih yottalle lel gaxaanamko anu lel ten urusamko tena intit ten wayshisheh yane, ten afcaado lel yiytirireh yane” akah yerhxeekah, amaydo, yaamanoona mirhiicinnooni.

Yohannis 3:4

Niqhodiimos: “Naba xiyawti aaginah yaabako dhiica? Malammit gedda ishi inah garbadde orobeh yaabako dhiica?” akko yerhxe.

2 Korintos 4:4

Tenim lel, ta caalamti yalli, mece warehi ifo, tamaa Yallih misle kin Yeesus Masiix nabne yabliinimko, aamininnixe marahi xangal alifeh yane.

2 Korintos 5:17

Amaydo, akkinnanti Masiixidde yinniyemko, cusub makhaaliqho kinni. Tamaa kalxiitim tillabtah cusubam temeeteh tane.

Galaatiya 6:15

Askok-kalum abaanam yakko, askok-kalum abe wayaanam nafaaca male. Tamficem cusub makhaaliqho kinni.

Efesos 2:1

Atin sinni uma ciyyo kee zambedde rabteenih tinin.

Tiitos 3:5

nanu abne ciyyo xaqqe tekkeh akkekkah, ishi raxmah tamaa malammit ubka xiyaah taxaye cakalso kee Quddus kin Ufayeh yuscussubeh ni gargeere.

Yacqoob 3:17

Laakin aganaako kin kas erherhih tsitstsii tiya kinni, sarrah lel maaxiyo le tiya, mece tiya, aki xiyawhi mablo kabbaata tiya, raxmaako yemmeege tiya, mece fire le tiya, babbarhishnan hin tiya kee doolab hin tiya kinni.

1 Bithroos 1:3

Ni Maddara kin Yeesus Masiix Yalla kee Abbah fayla takkoo! Ishi naba raxmah balih, Yeesus Masiix rabaakohi ugutti araxah yane cagadde malammih akah naabukeekah nok abe.

1 YOHANNIS 2:29

Usuk xaqqi-wanna kinam teerhegiinimko, xaqqe abinnanti kaako yoobokeh yanem taarhigin.

1 YOHANNIS 3:9

Yallaako yoobokeh anniinnanti, kaa zari kayyadde sigamhi sabbatah zambedde maasa. Yallaako yoobokeh yanemhi sabbatah lel zambe abo mirhiica.

1 YOHANNIS 5:1

Yeesus, Masiix kinam aamininnanti, Yallaako yoobokeh yane. Abba akxininnanti lel kaako yoobokeh yane tiya gantah yakxine.

1 YOHANNIS 5:18

Yallaako yoobokeh yanetii, zambe maabam naarhige. Laakin Yallaako yoobokeh yane tiya, usuk kaa dhawrha, umati lel kaa dhafo mirhiica.

1 YOHANNIS 5:4

Yallaako yoobokeh anniinnanti, caalamko yamlikemhi sabbatah; amaa caalamko yamlike nasri lel tatiya kinni: ni imaan.

Waxye 3:14

Lawdikeyalle tane kaniisahi malaykattolle taginah alle uktub: “Tamaa Amin, umun kee rummaahit shaahid kee Yallih makhaaliqhohi erherh tayim arhxuk yane: