Yohannis 2:4 - Saaho Cusub Cahde

⁴ Yeesus lel: “Te numa, yotta kee kotta ayim adde lino? Yi saaca kaddih gufteh mitane” akko yerhxe.

Yohannis 2:4 Iomraidhean Croise

Maatiyos 15:28

Yeesus lel: “Te numa, ku imaan naba tiya kinni. Atu akah fadhdheekah lel koh yakkoo” yerhxeh alle yedebbe. Tee barhä lel amalle anuk urte.

Maatiyos 8:29

Taykinna lel usun: “Ko Yallih Barha, nottaalih ayim lito? Waqhti gufekkah talle ni tacazzabo temeete?” arhxuk zeeren.

Luukas 2:49

Usuk lel: “Aymih yi goronishak sugteeni? Yi abbahi caredde annaw yolle tanem aarhigi mitiniini?” akko yerhxe.

Yohannis 12:23

Yeesus lel: “Xiyawti Barhi adde yanabo-le saaca gufteh tane.

Yohannis 13:1

Faasigi cidko basolle, Yeesus ta caalamko ishi Abba fanah adde yadiye saaca guftem yeerhege gedda, ta caalamalle tine kixina ishi mara, abayshima fanah yikxine.

Yohannis 2:3

Wayni akko bakitte gedda lel Yeesus ina: “Wayni malooni maka” akko terhxe.

Yohannis 20:13

Usun lel: “Te numa, aymih weecak tanito?” akko yerhxin. Ishe lel: “Yi Maddara beyeenih yanin, awla kaa hayeenim lel maarhige” akko terhxe.

Yohannis 20:15

Yeesus lel: “Te numa aymih weecak tanito? Miyatto wagiyak tanito?” akko yerhxe. Jardiin dhawrheena kaa tekkeleh: “Maddara, kaa beyteh tinniyemko, kaa beyo kinnik, alle kaa hayteh tanitom yoh warish” akko terhxe.

Yohannis 7:30

Usun kaa yabbarhoona farhak yinin, kaa saaca kaddih gufteh mitinemhi sabbatah laakin, walaa inketti gaba alle mihayinna.

Yohannis 7:6

Yeesus: “Yi waqhti gufeh miyane, sin waqhti laakin umman gedda talle yane.

Yohannis 7:8

Atin amaa cid fanah eweca. Yi waqhti inkoh yikmileh miyanemhi sabbatah ta cid fanah awco makiyo” akko yerhxe.

Yohannis 8:20

Yeesus tayim maqhdas caredde, muttuxuwat sanduq hi agaagalle yekkeh aydurusuk waanishem kinni. Kaa saaca migufinnamhi sabbatah walaa inketti kaa mabbarhinna.

2 Korintos 5:16

Amaydo, kadok sarrah, xazottat araxah walaa inketta minaarhige. Masiix xazottat araxah walaa kaa aarhiginuk nineh nekkemih, kamboh laakin kado amaymih kaa minaarhige.