Yohannis 11:4 - Saaho Cusub Cahde

⁴ Yeesus laakin tayim yoobbe gedda: “Yallih Barhi akah yanabo Yallih nabneh kiyah, ta laxuu rabi guddussam maki” yerhxe.

Yohannis 11:4 Iomraidhean Croise

Yohannis 11:40

Yeesus: “Teemenemko Yallih nabne tablo kito kok erhxeh miiniyoho?” akko yerhxe.

Yohannis 9:3

Yeesus: “Yallih ciyyo kaa araxah tamballaw ciloh kiyah, zambe usuk maabinna, woole kaa dhaltoyya maabinnooni.

1 Bithroos 4:14

Masiix migacah arhxitin wattimteenimko, tamaa Ufaye kee Yallih nabne sinalle tacrufemhi sabbatah baraka-lem kitin.

Yohannis 5:23

Amayim lel tamaa Abba akah xishmataanaakah umman tiyak Barha xishmatoona ciloh kinni. Barha xishmatinnixeti, kayya dhirhiye Abba gantah mixishmata.

Yohannis 17:5

Abba, kado lel, tamaa caalam anniye waak kottaalih liyuk ine nabentah isheelih yi eyneb.

Yohannis 2:11

Tatiya Yeesus ishaaraatko erherh tiya Galiilaati Qaanalle abeya tekkih kaa nabne tiyshidhdhige tiya kinni. Kaa katattaynit lel akah yeemenin.

1 Bithroos 4:11

Waanishati, tamaa Yallih waanitta waanisha tiya balih; yakhdumeti, tamaa Yalli akah yoxoye xaylah yakhdume tiya balih yakhdamoo. Amayim lel, Yalli Yeesus Masiix araxah umman ginah yanabo ciloh kinni. Nabne kee reeza lel kayyah takkoo, umman gedda kee umman gedih. Amin.

Filibbi 1:20

Tayim yi naba ilalta kee yi cag kinniyaako, farhemih xoolashshiito makiyo. Kado gantah umman gedda balih, mango fidbeelih, hido aniinah, hido lel rabih, Masiix yi nabsedde yanabo kinni.

Yohannis 17:1

Yeesus tayim yerhxemko sarrah, intit agana caranadde kulux-isheh: “Abba, amaa saaca gufteh tane, ishi Barha eyneb ku Barhi ku yaynabooki.

Yohannis 9:24

Amaymih lel amaa inti-male kuuk yine xiyawtoh malammit gedda akah deecimeenih: “Yallah nabne uxuu. Ta xiyawti zambi-wanna kinam naarhige” akko yerhxin.

Yohannis 8:54

Yeesus: “Inne eynebemko, yi nabne foyya kinni. Yotta yaynabeti, tamaa atin ‘Usuk ni Yalla kinni’ akko tarhxin yi Abba kinni.

Rooma 11:11

Amaydo anu essero liyo, usun radoona ciloh kinniho andafiteenim? Maale haye! Yakko kibah, Israa-eel xiyaw ashshiinisho ciloh, ten umaanih araxah Aki-maralle garger yemeete.

Yohannis 17:10

Yim inkoh kum kinni, kum lel yim kinni. Anu lel tenadde enebeh aniyo.

Yohannis 12:28

Abba, ishi migac eyneb” yerhxeh alle yedebbe. Sarrah, wuli dhaw caranko yemeeteh: “Anu kaa eynebeh aniyo, malammih lel kaa aynabo kiyo” yerhxe.

1 Bithroos 1:21

Sin imaan kee cag Yalladde yakko ciloh, Yeesus araxah, tamaa kayya rabaako uguseh nabne akah yoxoye Yallah teemenin.

Filibbi 1:11

Yallih nabne kee faylah, tamaa Yeesus Masiix araxah geytimta xaqqi daroh temmeegiinih sugtoona ciloh kinni.

Yohannis 10:38

Amayim abah ekkemko laakin, Abba yottadde, anu lel Abbadde aniyom taarhagoona kee tafhamoona ciloh, walaa yi aamine wayteenimih, amaa ciyyoh imina” yerhxeh alle yedebbe.