Yohannis 10:3 - Saaho Cusub Cahde

³ Kayyah dhawrheeni akah faaka. Ciido kaa dhaw taabbe, ishi ciidoh lel migacah akah deecimah irolle yayyaace.

Yohannis 10:3 Iomraidhean Croise

Yohannis 10:14

Anu mece loyna kiyo. Yi abba yotta akah yaarhigeekah, anu lel yi abba akah aarhigeekah, anu innim aarhige, yim lel yi yaarhigin. Inni aniina lel ciidoh arhxuk tillaabisha.

Yohannis 10:16

Ta ciidot daggeeko akkinnixe ciido yakkeedo liyo. Tena yakkeedo baaho yolle tane. Yi dhaw lel yaabboona kinon. Amaymih lel inki ciido kee inki loyna yannawna kinni.

Yohannis 10:4

Ishim inkoh yayyaace gedda, isheh afadde akko yadiye, kaa dhaw taarhigemhi sabbatah lel amaa ciido kaa katayta.

Yohannis 10:9

Anu caraf kiyo. Akkinnanti yottaako orobemko, gargeerimo kee orobo kee yawco, amaye balih alle yaloolekke geyo kinni.

Yohannis 6:37

Inkoh Abba yoh yaxayem yottalle tamiite, yottalle amiitinnan tiya lel kaa ayyaaco makiyo.

Yohannis 6:45

‘Inkoh Yalli ten yaydaraso kinni’ yarhxiinim Nobowadde tunkuttubeh tane. Yi Abbaako yoobbeh yudruseti yottalle yamiite.

Rooma 8:30

Usuk tamaa yookomeh yixiggire marah gantah akah deecimeh, tamaa akah deecime mara yisxiqqiqheh, tamaa yisxiqqiqhe mara gantah yeynebe.

1 Korintos 16:9

Makko-le ciyyoh naba caraf yoh fakkiteh yane, yi didde kin mari laakin mangon.

Filibbi 4:3

Yoo, rummaahit zoobattok, kotta gantah ta sayyo xatto ku esserak aniyo. Usun Kaleemes kee aki khidma yottaalih yangale marahi migoc aniinat kitaaballe akko yaneya kee yottaalih, agaggaagalle mece ware yukhdume mara kinon.

Kolossay 4:3

Amayim balih, tamaa anu kaa zacabah akko umudhdhuweh aniyo Masiix mashthir warroyishno, Yalli ishi waanittah caraf noh faako, nottah gantah dhaaco abanta.

2 Timoteyos 2:19

Yisbite Yallih masarrat laakin maxtam yooqhoceyaako: “Maddari tamaa kaa mara kin xiyaw yaarhige”, amayim balih: “Inkoh Maddari migacah deecima mari umaaniiko mirix-yarhxoonaa” yarhxe.

1 Bithroos 1:12

Ten khidma lel sinah kibah tenah kuuk mitinem akah timidhdhige. Tayim lel tamaa carsheeko farritime Quddus kin Ufayehi araxah, mece ware sinalle warroyshe mari sinah warisheenih yanin. Tayim malaykut gantah kulux adde yarhxoona duumutak yiniinim kinni.

1 YOHANNIS 4:6

Nanu Yallaako kino, Yalla yaarhigeti ni yaabbe, Yallaako akkinnexeti laakin ni miyaabbe. Tayimko lel rummaahit ufaye kee doolab ufaye naarhige.

3 YOHANNIS 1:14

Dheh ku ablo caaga. Af kee afah lel waanishno kino.

Waxye 20:15

Akkinnanti amaa aniinat kitaabadde migac akko geytime wayemko, amaa girat igilidde cidditak yine.

Waxye 3:20

Taykiyo, carafalle daw-erhxeyaako caraf akuxkuxuk aniyo. Akkinnanti yi dhaw yoobbeh maczo faakemko, adde orobeh aalih beeto kiyo, usuk lel yoolih beeto kinni.

Waxye 7:17

Amayim lel, tamaa nugus-kursehi fanadde yane Leemi ten loyna yakkeh, tane layet raxeena fanah lel ten santisheyaako, Yalli ten intit hi dhiimo inkoh akah kalo kinamhi sabbatah kinni.”