Yacqoob 1:3 - Saaho Cusub Cahde

³ Amayim lel, sin imaan cakanadde saya gedda, curtayyo sinah baaham taarhigiinimhi sabbatah kinni.

Yacqoob 1:3 Iomraidhean Croise

Luukas 21:19

Sinni curtayyoh sinni aniina taksaboona kitin.

Rooma 15:4

Tamaa Kutuubko geytima curtayyo kee aydukumusnan araxah cag abinno ciloh kinni, kalxa tunkuttubem inkoh ni santoh yunkuttubem.

Rooma 2:7

Tamaa mecaani abak nabne, xishma kee rabe wayaanam sabreelih wagiye marah, umman geedit aniina akah yaxaw kinni.

Rooma 8:25

Ablinnixinomuh cag abinnemko laakin, sabreelih ilalna.

Rooma 8:28

Tamaa Yalla kixinah kaa xagara balih decsiime marah ummannim Yalli mecaanih akah abam naarhige.

2 Korintos 4:17

Ta sissik urhurh waqhtih ni waaxelti lel, agaagim hin umman geedit cilish nabne noh yaxaw kinni.

Kolossay 1:11

Tamaa nabne le kaa xayla balih, umbuka curtayyo kee sabreelih xedenak, umbuka xaylaalih tasrawna,

2 Tessaloniike 1:4

Amaydo, nanu ninneh, sin agrar kee imaanah, umbuka sinni hadaano kee biyakadde litin curtayyoh, tamaa Yallih kanaayisidde sin zacabah falitak nane.

2 Tessaloniike 3:5

Maddari Yallih kaxano kee Masiix araxah geytima curtayyolle sin afcaado santishoo.

Cibraan 10:36

Yallih farhi abtan gedda tamaa wacde akah sayeenim kabbattoona ciloh, curtayyi sin farhshiisha.

Cibraan 12:1

Amaydo, nanu gantah tayidhdha takke shohodah darur balih makarimneh nanemhi sabbatah, inkoh tamaa nolle cilisham kee ni yabbirhe zambe mirix-ishnoo. Tamaa ni nifidde yane ammakaakamah lel curtayyoolih nardoo.

Cibraan 6:12

Amayim lel, atin tamaa imaan kee sabreh tamaa wacde yiwrishe marah tammangadoona kinni farhnam kibah, bohosa takkoona mifarhna.

1 Bithroos 1:7

Tayim sin imaan rumma kinam taybulluwem kinni. Tamaa dahab walaa girah yamcakkanoo kibah, sin imaan tamaa yalaye dahabko naba limo leya. Ta sin imaan Yeesus Masiix yambulluwe gedda fayla, nabne kee xishma sinah baaho kinni.

2 Bithroos 1:6

irhgaalih lel sinne-yabbirhiinim, sinne-yabbirhiinimlih lel sabre yaalliinim, sabreelih lel Yallih mashshi yaalliinim,