Markos 8:6 - Saaho Cusub Cahde

⁶ Amaa xiyaw lel baarholle defeyoona ten yeemere. Amaa malxina kinnas beyeyaako, dhaaco abeh, yigdileyaako amaa mango xiyawah keloona amaa katattaynitille yoxoye. Usun lel amaa mango xiyawah kelen.

Markos 8:6 Iomraidhean Croise

Maatiyos 26:26

Kado, usun beetak, Yeesus kinnas yibbirheh, dhaaco alle abeyaako yigdileh katattaynitih yoxoyeh: “Hina, beta, tati yi nabse kinni” akko yerhxe.

Markos 8:20

Usuk: “Amaa malxina kinnas affara shiixih igdile gedda lel ayidhdhale jambiil buturko temmeegeya tooqhociini?” akko yerhxe. Usun lel: “Malxin” akko yerhxin.

Markos 8:5

Usuk lel: “Atin ayidhdhale kinnas litiini?” yerhxeh ten essere. Usun lel: “Malxin” akko yerhxin.

Markos 8:7

Usun dago cindhadhdhaa caasa luuk yinin. Dhaaco alle abeh lel tayim gantah akah kellimto alle tanem akah warishe.

Luukas 12:37

Ten manabotti yamiite gedda himma-abitak sugta garuuza baraka-lem kinon. Usuk lel yikkitiyeyaako maaddille ten defeyshah, yamiiteyaako lel ten yayseeseem, rummah sinak arhxiyuk ane.

Luukas 24:30

Tekke lel, maaddille tenlih defeyeh, folotta beyeyaako dhaaco alle abeh yigdileyaako akah yoxoye.

Yohannis 2:5

Kaa ina amaa khaddamtik: “ Usuk sinak arhxinnannim aba” akko terhxe.

Yohannis 6:23

Aki jalbab Tiberiyasko lel amaa Maddari dhaaco alle abeyaako folo alle beeteenih yinin carah agaagalle yemeete.

Rooma 14:6

Tamaa inki lellec xishmatati Maddarah arhxuk kinni abak yanem. Tamaa beetati lel Yallah xamde yaddabbemhi sabbatah Maddarah arhxuk kinni beetak yanem; tamaa beetinnixeti gantah, Maddarah arhxuk xabayaako, Yallah xamde yaddabbe.

Kolossay 3:17

Abinnannimidde lel, waanih yakko abittoh, inkoh Maddara kin Yeesus migacalle abanta. Amaymih lel kaa araxah Abba kin Yallah xamde edebbaanta.