Markos 3:8 - Saaho Cusub Cahde

⁸ Yerusaalem, Edom baarho kee Yordaanos tabso kin Tsoor kee Tsiidoonko adde katayen. Ta mangum mango xiyaw usuk abak yinem inkoh yoobbin gedda kaalle yemeetin.

Markos 3:8 Iomraidhean Croise

Maatiyos 11:21

“Korazin ku careyta! Beet-sayda ku careyta! Amayim lel ta sinalle yekke xayla-le abittot Tsoor kee Tsiidoonulle yekkeh yineh yakkeedo, mece geddaakoh toobat ishaarah guula sariteenih mombots sinnelle hayenyaako yotoobiinih anniye dhaarhen.

Maatiyos 4:25

Mango xiyaw lel Galiila kee “Tamana daafo”, Yerusaalem kee Yahuudiyaati baarhooko kee Yordaanos tabsooko lakadde akko katayen.

Markos 7:24

Amakkeeko uguteh lel Tsoor kee Tsiidoon manthiqhalle yedee. Usuk caredde orobe, inketti kaa yaarhago lel mifarhinna, sucuto laakin mirhiicinna.

Markos 7:31

Yeesus sarrah Tsoor manthiqhaako gaxeh Tsiidoon fantaako “Tamana daafoh” manthiqhahi Galiilaati igil fanah yedee.

Luukas 6:17

Usuk lel tenlih oobeh wuli dudubulle daw-yerhxe. Amalle lel mango kaa katattaynit kee mango xiyaw umbuka Yahuudiya, Yerusaalem, Tsoor kee Tsiidoonti badti gimomko yinin.