Markos 2:13 - Saaho Cusub Cahde

¹³ Usuk malammih igil gimamalle yewceyaako mango xiyaw adde katayenih usuk lel ten aydurusuk yine.

Markos 2:13 Iomraidhean Croise

Maatiyos 13:1

Amaa lellecidde Yeesus careeko yewceh igil gimamalle defeye.

Maatiyos 9:9

Yeesus amakkeeko tillaabak, Maatiyos akko yarhxin xiyawto amaa miiri alle yaskattin caralle defeyeh kaa yubleyaako, “Yi kataa” akko yerhxe. Usuk lel uguteh kaa kataye.

Markos 1:45

Usuk laakin yewceyaako, amayim warroysho kee ware faax-isho erherhishe. Amaymih lel Yeesus farhe ginah daafodde orobo mirhiicinna. Usuk laakin zibo kin makaanolle yine. Xiyaw umbuka wakaliilaako alle amiituk yinin.

Markos 10:1

Kafarnaxuumko uguteh lel Yordaanos tabso kin Yahuudiyaati zoobälle yedeeyaako, mango xiyaw malammih alle yekettin. Malammih lel ishi baso balih lel ten yuyduruse.

Markos 2:2

Mango xiyaw inkidde teketteh, cari yemmeegeh, walaa carafadde cara mitine. Usuk lel Waanitta akah warroyshak yine.

Markos 4:1

Malammih igil gimamalle yaydaraso erherhishe. Jalbadde korah igilille defeyandah lel mango xiyaw alle yekettin, amaa mango xiyaw lel igil gimamhi baarholle defeyak yinin.

Luukas 19:48

Xiyaw inkoh kaa waanille qath-yerhxiinimhi sabbatah laakin usun inkim aboona mirhiicinnooni.

Luukas 21:38

Maaxalle lel xiyaw kayya yaabboona inkoh maqhdas carelle kaa fanah amiituk yinin.