Markos 2:12 - Saaho Cusub Cahde

¹² Usuk uguteyaako akkanih ishi barella yuttuqhuceh, inkoh ten nifille yewce. Usun lel amaymih cibrah rabenyaako: “Ta gina lem caduruh nubleh minaarhige” arhxuk Yalla yeynebin.

Markos 2:12 Iomraidhean Croise

Maatiyos 12:23

Inkoh amaa xiyaw cibrah rabeenih lel: “Tati Dawud Barha yakkeho?” yerhxin.

Maatiyos 15:31

Amaymih naxar-malit waanishak, tumunkusem urak, tixinkishem gerhak, inti-malit lel abluk yublin gedda lel amaa mango xiyaw cibrah raben. Usun lel Israa-eel Yalla yeynebin.

Maatiyos 9:33

Yeesus amaa jinnetta akah yeyyeece gedda lel amaa naxar-mali waanishe. Amaa mango xiyaw lel: “Ta gina lem Israa-eelille caduruh tumbulluweh mitaarhige” arhxuk xedenen.

Maatiyos 9:8

Amaa mango xiyaw tayim yublin gedda, mashshiiteenih, ta reeza xiyawah yoxoye Yalla yeynebin.

Markos 1:27

Inkoh lel yussuxuttutin, sitta-sitta lel esseren: “Tayim ayim kinni? Cusub darse reezaalih! Najaasa-le ufayit yakkeedo yaamire, usun lel kaa yaabbin” yerhxin.

Markos 2:11

“Ugut, ishi barella tuttuqhuceh careh aduu kok arhxe” akko yerhxe.

Luukas 13:13

Usuk gaba bukalle akko oobisheh lel amalle anuk rig-terhxeyaako ishi Yalla teynebe.

Luukas 17:15

Tenko wuliti lel urem ishe yuble gedda, caazalle yufkuneh, wac-yerhxeyaako Yalla yeynebe.

Luukas 5:26

Inkoh lel cibrah qalbe xaben, Yalla aynabuk, mashshih yemmeegiinih lel: “Kaafa bexsishsha xaaja nuble” yerhxin.

Luukas 7:16

Inkoh mashshi ten tibbirheh: “Naba nabii ni fanko yewce”. “Yalli ishi xiyaw xato yemeete” arhxuk Yalla yaynaboona erherhishen.

Yohannis 7:31

Mango xiyaw laakin akah yeemenin. “Masiix yamiite gedda, ta xiyawtooko mango ishaarar abo kinni?” yerhxin.

Yohannis 9:32

Ta caalam erhedhdhemko taahe inti-malek yooboke tiyahi inti faakati caduruh yomoobbeh miyaarhige.

Fartottit hi Abittot 4:21

Gaxenyaako ten mashshiisheenih ten dhirhiyen. Amayim lel tamaa tekkeh tinemih xiyaw Yalla aynabuk yiniinimhi sabbatah, ten yaqhtsacoona mirhiicinnooni.