Markos 13:11 - Saaho Cusub Cahde

¹¹ Xukmelle sin baahaanah sin yasxayin gedda, waanishsham Quddus kin Ufaye kibah sina makinamhi sabbatah, amaa geddadde ayim tarhxiinim sinah tamxawo kinnik, ayim tarhxiinimih tookomiinih manshaaqhalina.

Markos 13:11 Iomraidhean Croise

Maatiyos 10:17

Araballe sin baaheenih sinni sunagoogitidde lel sin sabacoona kinoonimhi sabbatah, xiyawko zeelita.

Markos 13:12

Sacal ishi sacal yasgadafo kinni, abba lel ishi barha, cindham lel sinni dhaltoyyah didde ugutoona kinon, ten yagdafoona kinon.

Markos 13:9

Araballe sin baaheenih sinni sunagoogitidde lel sin sabacoona kee, tenah shaahid takkoona, yottah arhxuk masxadaadarit kee nuguusat nifidde daw-tarhxoona kitiinimhi sabbatah, zeelita.

Luukas 21:12

Umbuka tayimko basolle laakin, gabub sinadde hashshiiteenih sin hadanoona kinni. Sunagoogit kee xabshit fanah sin beyeenih lel yi migac hi sabbatah nuguusa kee masxadaadaritille sin baahoona kinon.

Yohannis 3:27

Yohannis lel: “Xiyawti carsheeko akah amxawwe waytemko, walaa inkim kabbaato mirhiica.

Fartottit hi Abittot 2:4

Usun lel inkoh Quddus kin Ufayeh yemmeeginyaako Ufayi akah ten dhicshiisheekah aki afofuh waanishoona erherhishen.

Fartottit hi Abittot 3:13

Abraahim Yalli, Isxaaq Yalli, Yacqoob Yalli, ni abbubhi Yalli, tamaa atin tosxoynih Bilaatos dhirhiyo abayshe gedda kaa nifille xinten Yeesus ishi khaddaam yeynebeh yane.

Fartottit hi Abittot 4:31

Dhaaco bakeenimko sarrah, tamaa yekettiinih alle yinin makaano xumuu-terhxeyaako inkoh Quddus kin Ufayeh yemmeegiinih Yallahi waanitta mashshi hinnim wansiitoona erherhishen.

Fartottit hi Abittot 6:10

Usuk akah waanishak yine kas kee Ufayeko laakin curoona mirhiicinnooni.

Fartottit hi Abittot 6:15

Inkoh amaa arabadde defeyak yine mari kulux adde yerhxinyaako, kaa nif malaykatti nifih yimmingideh akah yumbulluwe.

Fartottit hi Abittot 7:55

Istifaanos laakin, Quddus kin Ufayeh yemmeegeh, carshelle kulux-yerhxeyaako Yallih nabne kee Yeesus Yallih mizgaako daw-yerhxeh yuble.

1 Korintos 2:13

Tayimhi zacabah waanishnam, xiyaw waanih araxah nudruse kasah maki. Ufayim Ufayi adde yane xiyawah caddoyishnam laakin, Ufayi yuyduruse marih waanih kinni.

Efesos 3:5

Amayim lel tamaa kado Ufayi araxah yinqiddise kaa fartottit kee nobowah akah yumbulluweekah, tamaa aki ijojhi xiyaw dhayloh maamadhdhaginna.

Yacqoob 1:5

Sinadde kas kaa farhshiishati yinniyemko, cadalekkah umman tiyah xindaalih yaxaye Yalla dhaacimoo. Akah lel tamxawo kinni.

1 Bithroos 1:12

Ten khidma lel sinah kibah tenah kuuk mitinem akah timidhdhige. Tayim lel tamaa carsheeko farritime Quddus kin Ufayehi araxah, mece ware sinalle warroyshe mari sinah warisheenih yanin. Tayim malaykut gantah kulux adde yarhxoona duumutak yiniinim kinni.