Markos 13:10 - Saaho Cusub Cahde

¹⁰ Mece Ware laakin yookomeh umbuka diikalle warreyo alle tane.

Markos 13:10 Iomraidhean Croise

Maatiyos 12:41

Nineweehti xiyaw, Yoonaas warroyishnan yoobbiinih yotoobiinimhi sabbatah firdelle ta ijoolih uguteenih ten yaqtsacoona kinon. Taykinna lel Yoonaasko nabam talle tane.

Maatiyos 24:14

Umbuka xiyawah shaahid yakko ciloh ta nigsinnat Mece Wari umman caalamalle warreyo kinni, amaymik sarrah abayshima tamaato kinni.

Markos 16:15

Usuk: “Umbuka caalamalle aduwantaaki, umbuka makhluuqhuh Mece Ware warisha.

Rooma 1:8

Erherhih, sin imaan umbuka caalamalle warreyemhi sabbatah, Yeesus Masiix araxah inni Yalla umbuka sinhi idhdhadde cawwatoyshita.

Rooma 10:18

Anu laakin esserak aniyo, yoobbiinih miyaniini? “Ten dhaw umbuka baarholle yewceh yane, ten waani lel caalamti abayshima gufteh tane” akah yarhxeekah rummah yoobbiinih yanin.

Rooma 15:19

Tayim lel, ishaarar kee bexsishshamhi xaylah, Yallih Ufayehi xaylah tekkem kinni. Amaymih, Yerusaalemko erherhisheh, aykee Illirikon fanah Masiix mece ware kaamilik warroysheh aniyo.

Kolossay 1:23

Tayim lel rummah atin imaan katattayishsheenih, tamaa toobbin mece warehi rajaako acrhiyekkah, dhishshimteenih tisbitiinimko kinni. Ta mece wari carshi geridde geytimta umbuka makhluuqhulle warreyeh yane. Anu, Bawlos lel mece warehi khaddaam ekkeh aniyo.

Kolossay 1:6

Tamaa mece wari sinalle yemeeteya, umbuka caalamalle fire baahak kee amfiddinuk akah yaneekah, tamaa Yallih nicmahi sabbatah rumma adde toobbiinih adde tifhimin lellecko, sinadde gantah amayim balih akkuk yane.

Waxye 14:6

Sarrah, aki malaykatti akkanih caranalle firiirixitak uble, usuk tamaa baarholle martamah, umman wathun, kishosh, waani kee xiyawah warroysho umman geedit mece ware luuk yine.