Markos 10:21 - Saaho Cusub Cahde

²¹ Yeesus lel, kulux adde yerhxeyaako, kaa yikxineh: “Inki xaaja kok tunquseh tane: tedeeh, litom inkoh teebexeh baaxentah uxuu, carshelle lel cukra taallo kito, amowaaki lel yi kataa” akko yerhxe.

Markos 10:21 Iomraidhean Croise

Maatiyos 16:24

Sarrah Yeesus ishi katattaynitik: “Yi kataw farhinnanti, ishi xino alle tane, ishi masqal yooqhoceh lel yi kataw.

Maatiyos 19:21

Yeesus: “Kaamil takko fadhdhemko, aduwaaki, litom teebexeh, baaxentah uxuu, carshelle lel cukra taallo kito. Amaymik sarrah lel temeeteh yi kataa” akko yerhxe.

Markos 10:22

Usuk naba gadda luuk yinemhi sabbatah, ta waani yoobbeh mangum axzinuk yedee.

Markos 8:34

Ishi katattaynitlih amaa mango xiyawah ishelle akah deecimeh: “Yi kataw farhinnanti, ishe xinoo, ishi masqal yooqhoceh lel yi kataw.

Luukas 10:42

Laakin, inki xaaja farhshishshaya tane. Maryam teeko adiye wayto-le mece gide dooritteh tane” yerheh alle yedebbe.

Luukas 12:33

Sinni iraaro teebexiinih lel muttuxuwah baaxentitih uxuwa. Baarroyinnixa maxfaza, carshelle bakitinnixe cukra, garceeni gufo wayah, qunqune caynishinnixeya sinneh issiqhirriba.

Luukas 16:9

Ta gaddi bakita gedda umman geedit sigimalle sin kabbaatoona ciloh, xaqqi gadda akkinnixemko sinneh soxoba abittoona sinal tanem, sinak arhxiyuk ane.

Luukas 18:22

Yeesus tayim yoobbe gedda: “Kaddih inki xaaja kok racteh tane. Litom inkoh ibixaaki baaxentah kel, carshelle lel cukra taallo kito. Amowaaki lel yi kataa” akko yerhxe.

Luukas 19:41

Usuk kab-yerhxeyaako daafo yuble gedda bukalle akko weeceh,

Luukas 9:23

Usuk sarrah inkoh tahe akko yerhxe: “Yi kataw farhinnanti, ishi xino alle tane, maaxi yamaato lel ishi masqal yooqhoceh yi kataw.

Yohannis 12:26

Yi akhduminnanti, yi kataw alle tane, anu alle anniinnanille lel yi khaddaam gantah yannaw kinni. Akkinnanti yotta yukhdumemko lel Abba kaa yaynabo kinni.

Yohannis 16:33

Yottaalih salaam geytoona ciloh lel tayim sinah warisheh aniyo. Ta caalamalle cazaab yane, laakin aydukum-erhexa, anu ta caalam iscireh aniyo” yerhxeh alle yedebbe.

Fartottit hi Abittot 2:45

Usun sinni iraaro kee yabbuxutiinim yeebexiinih amaa solaadi inkoh farhshiisha marah kelak yinin.

2 Korintos 12:15

Anu mangum kixinuk inkoh liyom sinah tillaabisho kee sinah arhxiyuk inne tillaabisho kiyo. Anu mangum sin ikxinemko, dagum ankaxxano kiyo?

2 Timoteyos 3:12

Rummah lel, Masiix kin Yeesusuh Yallih araxalle maro farha mari inkoh haddaanimoona kinon.

Cibraan 10:34

Tashshem kee umman gedih marta iraaro litiinim teerhegiinimhi sabbatah, tamaa tumudhdhuwemih akah tessexekkin, sin iraaro sinak bayshaanam lel xedenlih kabbatten.

Yacqoob 2:10

Tamaa sercat yarhxem inkoh aba hanuk, amayimko inki dhimmiyo yuynuqhusemko, ummanimille cagab wanna yakke.

Waxye 2:14

Yakko kibah, dagum kolle ibbirheh aniyo: dago mari Balcaam darse kataytaya sinadde yanin. Usuk tamaa Israa-eel dhaylo andafisho ciloh, usun asnaamah tinsiddiqhe folo beetoona kee uma-xibar akah abaanaakah Balaak yuyduruse.

Waxye 2:20

Laakin tayim kolle ibbirheh aniyo: tamaa nabiita ishek abta Yezaabelille alle curte. Ishe ishi darseh abteh yi khaddamte uma-xibar aboona kee asnaamah tinsiddiqhe folo akah beetaanaakah ten doolabte.

Waxye 2:4

Laakin tamaa erherhih luuk tinito kaxano xabtemih kolle ibbirheh aniyo.