Maatiyos 4:10 - Saaho Cusub Cahde

¹⁰ Amayek sarrah, Yeesus: “Aduu, ko Sheethano! ‘Maddara ishi Yallah ucbud, kayyah bisa ukhdum’ yarhxiinim tunkuttubeh kinni” akko yerhxe.

Maatiyos 4:10 Iomraidhean Croise

Maatiyos 16:23

Usuk laakin Bithroosudde ufkun-yerhxeyaako: “Atu yi andafo kito. Atu xiyawim kibah Yallihim ishi xangaladde sayshak mitanitooki, mirix yok erhex, Sheethano!” akko yerhxe.

Markos 1:13

Marootom lellectiya lel zibolle Sheethanah amcikkinuk suge. Zibi bahayimlih yine, malaykut lel kaa baclayshak yinin.

Luukas 10:18

Usuk lel: “Sheethan xankarha balih carsheeko radak abluk iniyo” akko yerhxe.

Luukas 11:18

Yottak ‘Beelzebuuluh junuun yeyyeece’ yok arhxuk taniinim hi sabbatah, Sheethan gantah ishe-isheh xazziimemko, kaa nigsinna daw-tarhxo kinni?

Luukas 13:16

Ta Abraahim barhä kin numa, Sheethan baxxaran kee taman iggidiya yurhuweh sugeya lel Sambat lellec ta madhdhuwaako tamfattaxo teyah meedda?” yerhxeh alle yedebbe.

Luukas 22:3

Amaymik sarrah lel Sheethan Iskariyoot akko yarhxin Yahuuda amaa lamman kee taman katattayniyaako kuuk yineyadde orobe.

Luukas 22:31

Simcoon, Simcoon, taykinna, Sheethan sinraa balih sin yanfawo ciloh sin farhe.

Luukas 4:8

Yeesus lel: “‘Maddara ishi Yallah ucbud, kayyah bisa ukhdum’ yarhxiinim tunkuttubeh kinni” yerhxeh alle yedebbe.

Yohannis 13:27

Sarrah usuk amaa dhacto beetek sarrah Sheethan adde orobe. Yeesus lel: “Tamaa abto litom, afitteh ab” akko yerhxe.

Fartottit hi Abittot 26:18

Atu intit akah fakteh, diteeko ifolle ten ayyaacituk, Sheethan xaylaako lel Yallalle ten tadabbo ciloh, ku farak aniyo. Zambi xabbot kee Yottah lon imaanah tinqiddisemhi fanadde cara geyoona kinon’ yok yerhxe.

Fartottit hi Abittot 5:3

Bithroos lel: “Xananiya, Quddus kin Ufayih nifille zirabbitto kee dhaget mibxih solaadiiko garo racsitto Sheethan aaginah afcaado kok yemege?

1 Korintos 5:5

Maddari lellec kaa ufayi gargeerimo ciloh, kaa xazotta talawki ta xiyawto Sheethanah kaa uxuwa.

1 Korintos 7:5

Dhaaco abittoona fadhdhan dago waqhteeko bextih sittiyaako mibarhsimina. Sinni nabse tabbarhoona tantenyaako, Sheethan cakanadde sin sayshak, inkidde malammih engela.

2 Korintos 11:14

Sheethan gantah ifi malaykattoh ishe yaymingidenkah, tayim cibra maki.

2 Korintos 12:7

Ta mango nabne le waxyehi sabbatah yamnanabbe tiya yakkiinimko dhawrhumo ciloh, Sheethan luuktä kin keena yi xazo biyaakishshaya yoh tomxoyeh tane.

2 Korintos 2:11

Tayim lel, Sheethan siixi ayim kinam naarhigemhi sabbatah, kaa doolab sorhnamko ciloh kinni.

Yacqoob 4:7

Amaydo, Yallah im-izzizanta. Ibliis didde tika, usuk lel sinko kudo kinni.

1 Bithroos 5:9

Sinni imaanalle tisbitiinih lel kaa didde tika. Tamaa caalamko ummanille tane sin sacul lel taginah waaxelsiitak yaniinim taarhigin.