Maatiyos 2:2 - Saaho Cusub Cahde

² “Amaa yoobokeh yane Yahuud nugus awla yane? Kaa xutukta ayrommaaxadde nublemhi sabbatah akah nacbado nemeete” yerhxin.

Maatiyos 2:2 Iomraidhean Croise

Waxye 22:16

“Anu, Yeesus, tayim amaa kanaayisidde sinalle warroyisho inni malaykatto dhirhiyeh aniyo. Anu Dawud rimidda kee kaa zaraako kiyo, amaa ifisha maaxi xutukta lel kiyo.”

Yohannis 18:37

Sarrah Bilaatos: “Amaydo, nugus kito haye?” akko yerhxe. Yeesus: “Anu nugus kiyom atu arhxuk tanito. Anu rummah ashhado, taymih kinni oobokem, tayimhi ciloh kinni lel ta caalamalle emeetem. Rummi carha gaxinnanti yi dhaw yaabbe” yerhxeh alle yedebbe.

Cibraan 1:6

Malammih lel usuk amaa riish ta caalamalle baaha gedda: “Yallih malaykut inkoh akah yacbadoonaa” yarhxe.

Luukas 23:38

Kaa bukakke lel: “Tati Yahuud Nugus kinni” tarhxe kataaba tine.

Luukas 23:3

Bilaatos lel: “Atu Yahuud nugus kitoho?” yerhxeh kaa essere. Usuk lel: “Atu gantah arhxituk tane” yerhxeh alle yedebbe.

Yohannis 5:23

Amayim lel tamaa Abba akah xishmataanaakah umman tiyak Barha xishmatoona ciloh kinni. Barha xishmatinnixeti, kayya dhirhiye Abba gantah mixishmata.

Yohannis 1:49

Natnaa-eel: “Mudarris, atu Yallih Barha kito, atu Israa-eel Nugus kito!” yerhxeh alle yedebbe.

Luukas 19:38

“Maddari migacalle yamiite Nugus dhaacole kinni! Carshelle maaxiyo, agana lel nabne!” lel yerhxin.

Luukas 2:11

Kaafa Dawud daafolle Gargeereeni sinah yooboke. Usuk Masiix kee Maddara kinni.

Yohannis 9:38

Usuk lel: “Maddara, aamine” yerhxeh akah yucbude.

Yohannis 19:19

Bilaatos lel wuli kutuub yuktubeh amaa masqalakke haye. “Naazret Yeesus, Yahuud Nugus” yarhxiinim lel kuuk yine.

Yohannis 12:13

Amaymih lel tamri xorh hi xakuk yibbirhiinih akah garawna yewcin. Wac-yerhxiinih lel: “Yalla xamdishinna! Maddari migacalle amiituk yane Israa-eel Nugus dhaacole kinni” yerhxin.

Maatiyos 27:11

Kado, Yeesus masxadaadari nifille daw-yerhxe, amaa masxadaadari lel: “Atu Yahuud nugus kitoho?” yerhxeh kaa essere. Yeesus: “Atu gantah arhxituk tane” akko yerhxe.

Yohannis 20:28

Toomaas: “Yi Maddara, yi Rabbiyo!” yerhxeh alle yedebbe.

Maatiyos 21:5

“Tsiyoon barhäk tahe akko erhexa: ‘Taykinna, amnonobba hin ku nugus xerakke, tamarremhi barha kin culluttakke gaxeh kolle amiituk yane’” yerhxeh yinem takmalo ciloh kinni.

Maatiyos 2:3

Nugus Heerodes tayim yoobbe gedda yomroocode, Yerusaalem yakkeedo lel inkoh kaa balih.