Luukas 9:2 - Saaho Cusub Cahde

² Yallahi nigsinna warroyshoona kee laxuttem urusoona ten fare.

Luukas 9:2 Iomraidhean Croise

Maatiyos 10:5

Yeesus lel ta lamman kee tamanah ta amre akah yoxoyeh ten fare: “Aki-marih fanadde maadayna, Samaariyaati dikidde lel moorobinantaaki,

Maatiyos 13:19

Nigsinnat waani aabbinnan gedda afhime wayam, amaa umati yamiiteh, amaa kaa afcaadodde timzirriyem akko simbaacah kinni. Ta zari lel amaa arax afalle timzirriyem kinni.

Maatiyos 24:14

Umbuka xiyawah shaahid yakko ciloh ta nigsinnat Mece Wari umman caalamalle warreyo kinni, amaymik sarrah abayshima tamaato kinni.

Maatiyos 3:2

“Carshi nigsinna kab-terhxeh tanemhi sabbatah otooba”, yerhxe.

Markos 16:15

Usuk: “Umbuka caalamalle aduwantaaki, umbuka makhluuqhuh Mece Ware warisha.

Markos 6:12

Amaymih yewcinyaako xiyaw tataabo alle tanem warroyshen.

Luukas 10:1

Amayek sarrah, Maddari aki malxintomon kee lamma dooreh, kaa nifidde lallammaah yadawna umbuka isheh alle yadawle baarho kee daafo fanah ten fare.

Luukas 10:11

‘Sin daafoh dorona ibobuk nok gaxteya gantah sinalle urgufak nane. Yallih nigsinna kab sinah terhxeh tanem laakin irhiga’.

Luukas 10:9

Amalle tane laxuttem lel urusa, tenak lel ‘Yallih nigsinna kab sinah terhxeh tane’ lel akko erhexa.

Luukas 16:16

Sercat kee Nobowa Yohannis fanah abittodde asak yinin; Amaymik sarrah lel Yallih nigsinnahi Mece Wari yimbissireh kinni, ummanti lel orobo adde dufuffuumak yane.

Luukas 9:11

Mango xiyaw laakin, tayim yeerhegiinih adde katayen. Usuk lel ten kabbaateh Yallahi nigsinnahi zacabah akah warishak, urnan farhshiisha mara lel urusak yine.