Luukas 8:1 - Saaho Cusub Cahde

¹ Amayek sarrah tekke lel, usuk Yallih nigsinna warroyshak kee Mece Ware aybissiruk daafof kee diikakko tillaabak yedee. Amaa lamman kee taman lel kaalih yinin.

Luukas 8:1 Iomraidhean Croise

Maatiyos 11:1

Yeesus ishi lamman kee taman katattayniya yaamirem abayshe gedda, ten daafofulle yaydaraso kee mece ware warroysho amakkeeko tillaabe.

Maatiyos 13:19

Nigsinnat waani aabbinnan gedda afhime wayam, amaa umati yamiiteh, amaa kaa afcaadodde timzirriyem akko simbaacah kinni. Ta zari lel amaa arax afalle timzirriyem kinni.

Maatiyos 4:23

Umbuka Galiilalle yedeeh, ten sunagoogedde aydurusuk, nigsinnat Mece Ware lel warroyshak, umman laxuu kee waaxeltaako lel xiyaw urusak hel-arhxuk yine.

Maatiyos 9:35

Yeesus lel ten sunagoogitidde aydurusuk, nigsinnat Mece Ware warroyshak kee umman laxuu kee waaxelta urusak umman daafof kee diikakalle hel-arhxuk yine.

Markos 1:39

Usuk lel ten sunagoogitidde warroysha kee junuun ayyaacuk umbuka Galiilalle yuzuure.

Luukas 1:80

Amaa zabali lel carsime, ufayeh lel yigmirhe. Israa-eellih ishe yayshidhdhige max fanah lel zibolle yine.

Luukas 20:1

Wuli max, Yeesus maqhdas caredde xiyaw aydurusuk kee Mece Wari aybissiruk, sheekhat manabottit kee sercat dhiiceenit naba maraalih yekkinyaako yemeetiinih:

Luukas 4:18

“Baaxentit Mece Ware aybassaro doorot assakat yoh abemhi sabbatah, Maddari Ufayi yi bukalle yane. Tindhibbirhemih muuca warroysho, inti-malit mablo geyshisho, tunzullumemih finja axawo, Maddari mecaani adde temeete iggida warroysho yi fareh yane” yarhxiinim alle tunkuttube cara geye.

Luukas 9:6

Usun lel yewciinih dikko dikille, Mece Ware aybissiruk kee ummanille urusak yuzuurin.

Fartottit hi Abittot 10:38

amayim lel, Yalli Naazret Yeesus aaginah Quddus kin Ufaye kee Xaylaalih kaa yuskutem kinni. Yalli kaalih yinemhi sabbatah lel, tuula kee tawlalle hel-yerhxeh mecem abak ibliis yibbirheh yine mara inkoh uruse.

Fartottit hi Abittot 13:32

Nanu lel tamaa Yalli ni abbubuh sayeh yine wacdehi mece ware sinah bahna.

Rooma 10:15

Tamaa: “Mece ware warroysha marahi ibi ayidhdha carha mece!” yarhxiinim tunkuttubeh akah taneekah, farritime wayeenimko aaginah warroyshoona kinooni?