Luukas 4:6 - Saaho Cusub Cahde

⁶ Ibliis lel: “Inkoh ta reeza kee tee nabne koh axawo kiyo. Yottah tomxowwemhi sabbatah inneh farhe tiyah tee axaye.

Luukas 4:6 Iomraidhean Croise

Luukas 4:7

Amaydo, yi nifille yoh tucbudemko tayim inkoh kum yakko kinni” akko yerhxe.

Yohannis 12:31

Ta caalamhi firdi kado kinni, kado kinni lel ta caalamhi reezanti irolle ciddito lem.

Yohannis 14:30

Ta caalamhi reezanti amiituk yanemhi sabbatah, anu mangum sinlih waanisho makiyo. Yi bukalle inki reeza maleya.

Yohannis 8:44

Atin sin abba kin ibliis mara kitin, sin farhi lel sinni abbah farhi abaanam kinni. Usuk erherhko nabsi-wanna kinni, rummi kaadde miyanemhi sabbatah lel usuk rummah abam male. Usuk zirabbita gedda, zirable kee zirabti abba kinamhi sabbatah, usuk ishi xibarko kinni waanisham.

2 Korintos 11:14

Sheethan gantah ifi malaykattoh ishe yaymingidenkah, tayim cibra maki.

Efesos 2:2

Wuli gedda lel ta caalam kee tamaa cashshabti nigsinnah reezanti sarralle gerhak tinin. Usuk tamaa kado Yalla aabbinnixe maradde akhdumuk yane ufaye kinni.

1 Bithroos 1:24

Amayim lel “ Inkoh xiyaw cashsho balih kinon ten inkoh nabne lel cashshot combooba balih kinni. Cashsho kafta, amaa combooba lel radda,

1 YOHANNIS 5:19

Nanu Yallaako kinom naarhige, umbuka caalam lel umatiih [xaylahi] galedde carhah-gaxteh tane.

Waxye 12:9

Amaa naba gaabbaa, kalxit caroora kinya, umbuka caalam doolabe ibliis hido Sheethan akko yerhxinya, guba baarholle cidditte. Kaa malaykut lel kaalih cidditen.

Waxye 13:2

Tamaa anu uble alluulatti lel qabictah higgiduk yine; kaa iboobi dibbiitimih higgiduk yine, kaa af lel lubak tiyah higgiduk yine. Ayyih gaabbaa lel kayyah ishi xayla, ishi nugus-kurse kee naba reeza akah yoxoye.

Waxye 13:7

Amaa yinqiddise maraalih dhibbaw kee ten yascaro izne geyeh yine. Umbuka kishosh, xiyaw, waani kee wathunhi bukalle lel reeza akah tomxoyeh tine.