Luukas 4:1 - Saaho Cusub Cahde

¹ Yeesus lel Quddus kin Ufayeh yemmeegeh Yordaanosko gaxeh, Ufayeh lel zibolle yimmirrixe.

Luukas 4:1 Iomraidhean Croise

Maatiyos 3:16

Yeesus yinthimmiqhek sarrah, akkanih layeko yewce gedda, taykinna lel carshit fakkite. Yallih Ufayi lel xamaama balih oobeh kayyalle amiituk yuble.

Luukas 2:27

Usuk lel Quddus kin Ufayeh maqhdas care fanah yemeete. Zabali Yeesus, kaa dhaltoyya labcaadime sercat akah aboona kaa orbishen gedda,

Luukas 3:3

Usuk lel zambi xabbot geyoona ciloh, toobat anthammaq warroyshak, umbuka Yordaanos wakalille yuzuure.

Luukas 3:38

Enoosh barha, Sheet barha, Adam barha, Yallih barha kuuk yine.

Luukas 4:14

Yeesus lel Ufayi xaylah Galiilalle gaxe. Kaa wari lel umbuka amaa wakalille faax-yerhxe.

Luukas 4:18

“Baaxentit Mece Ware aybassaro doorot assakat yoh abemhi sabbatah, Maddari Ufayi yi bukalle yane. Tindhibbirhemih muuca warroysho, inti-malit mablo geyshisho, tunzullumemih finja axawo, Maddari mecaani adde temeete iggida warroysho yi fareh yane” yarhxiinim alle tunkuttube cara geye.

Yohannis 1:32

Yohannis lel yishhide: “Ufayi carsheeko xamaamatto balih alle oobeh kayyak asak uble.

Yohannis 3:34

Ufaye qiyaas maleh yaxayemhi sabbatah Yalli fareti Yallih waani waanisha.

Fartottit hi Abittot 1:2

Amayim lel carshelle yamuqqucendah, Quddus kin Ufayeh abeh usuk doore fartottitih amrit yoxoyemko sarrah kinni.

Fartottit hi Abittot 10:38

amayim lel, Yalli Naazret Yeesus aaginah Quddus kin Ufaye kee Xaylaalih kaa yuskutem kinni. Yalli kaalih yinemhi sabbatah lel, tuula kee tawlalle hel-yerhxeh mecem abak ibliis yibbirheh yine mara inkoh uruse.

Fartottit hi Abittot 8:39

Kado usun amaa layeko yewcin gedda, Maddari Ufayi Filibboos yooqhoceh kaa beye. Amaa xargi lel kaa abluk miraaco, usuk lel xedenak ishi arax katattayshe.