Luukas 10:2 - Saaho Cusub Cahde

² Tahe lel akko yerhxe: “Orba rummah mangum kinni haaki shaqqaala laakin dago mara kinon. Amaydo, orbat Maddari ishi orballe shaqqaala dhirhiyooki dhaaco aba.

Luukas 10:2 Iomraidhean Croise

Maatiyos 20:1

Yeesus malammih: “Amayim lel carshi nigsinna, ishi cinab dhageh shaqqaala yayshaqhalo dhaxiine ifanih yewce cari-manabottah higgidamhi sabbatah kinni.

Markos 13:34

Wuli ishi dik xabeyaako kallaaxe xiyawti, ishi care ishi garuuzalle xabah, ten-ten ciyyo akah yaxayeh, caraf dhawrheena lel himma-abito yeemereya balih kinni.

Markos 16:15

Usuk: “Umbuka caalamalle aduwantaaki, umbuka makhluuqhuh Mece Ware warisha.

Markos 16:20

Usun yewcinyaako ummanille warroyshen, Maddari lel tenlih ashtuqhuluk yine, amaa farto lel tuumarah abah aysibituk yine.]

Luukas 9:1

Yeesus lel, amaa lamman kee tamanah inkidde akah deecimeh, xayla kee reeza umbuka jinnit hi bukalle, amayim balih laxuu urusoona akah yoxoye.

Fartottit hi Abittot 11:19

Tamaa Istifaanos rabek sarrah tekke hadaanoh faax-terhxeh tinem lel Finqiya, Qobros kee Anthaakiya fanah yedeynih Yahuudko bextih ta farto walaa inkettah miwarishinnooni.

Fartottit hi Abittot 13:2

Usun Maddarah acbuduk kee asoomuk anuk, Quddus kin Ufayi: “Barnabas kee Shaa-uul tamaa anu akah ten deece ciyyoh yoh barhisha” akko yerhxe.

Fartottit hi Abittot 13:4

Kado, Barnabas kee Shaa-uul Quddus kin Ufayi ten dhirhiyeh, Selewkiya fanah oobeenih, amakkeeko Qobros doonikih yedeyin.

Fartottit hi Abittot 20:28

Amaydo, sinne kee Quddus kin Ufayi kaniisat bukalle macalso abtam akko sinak abeh yane medderoh zeelita. Ishi tiyahi biiloh iraariteh yane Yallih kaniisa zuwa.

Fartottit hi Abittot 22:21

Usuk lel: ‘Anu dherh baarholle yane Aki-mara fanah ku faro kiyok, aduu’” yok yerhxe.

Fartottit hi Abittot 8:4

Tamaa yimbittine mari alle adiinnanille waanitta warroyshak yinin.

1 Korintos 12:28

Yalli lel amaa kaniisadde erherhih fartottit, malammih nobowa, maddaxih mudarrisiin haye, amaymik sarrah, bexsishsham aba mara, urusnan muttuxuwa le mara, xattimtam, yasxedeedere mara kee barhsime afofuh waanishsha mara haye.

1 Korintos 15:10

Yallih raxmah laakin anu kiyo tiya kiyo, kaa raxma lel foyya makkinna. Rummah, umman tenko ziyaada ukhdume, yottaalih tane Yallih raxmah kibah laakin yotta maki.

2 Korintos 6:1

Yallaalih inkidde yashtuqhule mara kinoyaako, Yallih nicma kabbattenyak foyya akko abe waytoona sin dhaacimak nane.

Filibbi 2:21

Amayim lel, inkoh sinnimhi nafaaca kinni wagiyaanam kibah, Yeesus Masiixim makinamhi sabbatah kinni.

Filibbi 2:25

Yi sacal, yottaalih khidma yangale yi zoobatto kee yottaalih yane dufla abeena kin Ebafroditos, sinalle dhirhiyo exeesebeh aniyo. Usuk yi farhshishsham yi xato atin farten tiya kinni.

Filibbi 2:30

Atin yottah abtan khidmadde sinko ractem yaskamalo ciloh, Masiix ciyyoh arhxuk ishi aniina tillaabisheh rabo farheh yine.

Kolossay 1:29

Taymih lel tamaa usuk yi addadde umbuka ishi naba xaylaalih aba ciyyoh andufuliyuk xawalak ane.

Kolossay 4:12

Tamaa sinko kin Masiix kin Yeesus garuzzi, Ebafraas, salaamat sinak arhxuk yane. Atin umbuka Yallih farhidde kaamilik thummut tekkiinih, yigmirhe mara tekkinyaako tasbatoona, dhaacoh sinah andufuluk yane.

1 Tessaloniike 2:9

Yi saculo, ni ciyyo kee ni xawal tazzikkirin. Sinko walaa inkettalle cuuka nakkemko ciloh, Yallih mece ware warroyishnak bar kee lellecih nukhdume.

1 Tessaloniike 5:12

Ni saculo, tamaa sin addadde xawala mara kee Maddari araxah sin santishah sin asuusa mara kinoonim taarhagoona sin dhaacimak nane.

2 Tessaloniike 3:1

Abayshimalle, ni saculo, Maddari waanitta tamaa sin fanadde akah tekkeh taneekah, faax-tarhxo kee tanabo; ummanti yaamine tiya makinamhi sabbatah, mangum uma maraako naggoyno dhaaco noh abanta.

1 Timoteyos 4:10

Amayimhi idhdhah, umman tiya, fertoh lel yaamine marahi Gargeereena kin yane Yalladde cag linomhi sabbatah, xawalak kee andufulinuk nane.

2 Timoteyos 4:5

Atu yekkemko, umman gedda himma-abit, uma gedda curtayyo abit, mece ware warroysha tiyahi ciyyo abit, ishi khidma iskimil.

Filmoon 1:1

Masiix kin Yeesusuh arhxuk, maxbuushsha kin Bawlos kee ni sacal kin Timoteyosko, yinkixxine Filmoon nottaalih khidma yangaleya

Cibraan 3:6

Masiix laakin barha balih Yallih carehi bukalle umun kinni. Tamaa ninni fidbe kee ninni faloolih, ninni cagalle qath-nerhxemko, nanu kaa care kino.

Waxye 2:1

Efesosulle tane kaniisahi malaykattolle taginah alle uktub: “Tamaa ishi mizgi gabadde malxina xutukta yibbirheh, malxina dahab qandel-defeenahi fanadde gerhati tayim arhxuk yane: