Efesos 5:3 - Saaho Cusub Cahde

³ Yinqiddise marahi fanadde takko missilam makiiki, uma-xibar, umbuka xaraame hido hirfe sin fanadde xussuume waytoo.

Efesos 5:3 Iomraidhean Croise

Kolossay 3:5

Amaydo tamaa baarhootim kinam sinadde taneya: uma-xibar, cibdaan, bacaalagino, uma farhi kee tamaa asnaamah yacbudiinim kin hirfe igdifanta.

Efesos 5:5

Uma-xibarli, xaraame kinam abati, hido hirfe leti asnaamah yacbude tiya balih kinya, Masiix kee Yallih nigsinnadde miiraas maleyamah thummut takkoona kitin.

1 Tessaloniike 4:3

Yallih farhi lel atin tanqiddisiinim kee uma-xibarko sinni tabbirhiinim kinni.

1 Korintos 6:18

Uma-xibarko kudanta. Xiyawti abinnan aki zambi inkoh kaa nabseeko irolle kinni, uma-xibar aba xiyawti laakin ishi nabsek kinni zambe abak yanem.

1 Tessaloniike 4:7

Yalli anqaddasah kibah xaraameh noh mideeciminna.

1 Korintos 6:13

“Folo garbah, garba lel foloh tekke tiyä kinni”, Yalli lel inkoh lammik ten yaylawo kinni. Nabsi Maddarah, Maddari lel nabseh kibah, nabsi uma-xibarah maki.

Efesos 5:12

Amayim lel, usun suctodde abaanamadde adde waanishaanam gantah xoola kinni.

Maatiyos 15:19

Amayim lel afcaadooko, uma xisaab, gidfo, zina, uma-xibar, garca, zirabah yashhidiinim kee waato tawcemhi sabbatah kinni.

Waxye 2:21

Anu tataabo caashir akah oxoyeh iniyo, ishe laakin ishi uma-xibarko tataabo xinte.

1 Korintos 10:8

Tenko gari uma-xibar abeenih inki lellecidde lamaatanna kee adox shixtiya akah rabeeniikah, uma-xibar abno nolle mitane.

Waxye 22:15

Irolle yane mari lel kaara, shirxe aba mara, uma-xibarlit, nabsi-wannun, asnaamah tacbudem kee zirab kixinah aba mara kinon.

Waxye 21:8

Tamaa gilixlit, imaan hinam, batakna kinam, nabsi-wannun, uma-xibarlit, shirxe abtam, asnaamah tacbudem kee inkoh zirablit, ten gide lel gira kee kirbitih bolola igil kinni. Tayim lel malammit raba kinni” yok yerhxe.

Waxye 2:14

Yakko kibah, dagum kolle ibbirheh aniyo: dago mari Balcaam darse kataytaya sinadde yanin. Usuk tamaa Israa-eel dhaylo andafisho ciloh, usun asnaamah tinsiddiqhe folo beetoona kee uma-xibar akah abaanaakah Balaak yuyduruse.

1 Korintos 5:1

Uma-xibar sin addadde yanem sinak amabbik tane. Ta gina le uma-xibar inkinnah Aki-marahi addalle gantah miyakke. Fertoh ishi abbahi numaalih dhiinati sinadde yane.

Waxye 9:21

Amayim balih, usun sinni gidfo hido sinni shirxe hido sinni uma-xibar hido sinni garcaako maataabinnooni.

2 Bithroos 2:3

Sinni hirfeh lel zirabti waanih sin yatnaafacoona kinon. Ten firdi dherh geddaako abayshimeh yane, ten liyi lel caawito maki.

Cibraan 12:16

Walaa inki uma-xibarli, hido lel tamaa inki gedda beeto ciloh ishi riishinnat xaqqe yeebexe Ceesaw balih, Yallih mashshi hinti sinadde yanniyek selitanta.

2 Korintos 12:21

Anu malammih amiite gedda, yi Yalli sin nifille yi xoolayshamko, anu lel tamaa basoh zambe abenyaako najaasa, uma-xibar kee cibdaan abak yininyaako atoobinnixe mango marah xazzanowamko mashshiitak aniyo.

Tiitos 2:3

Sayyot daacun lel amayim balih, yislixe mara, xamitinnixe mara, askirinnixe mara kinon. Usun mecem yaydurusoona tenalle tane.

2 Timoteyos 3:2

Xiyaw ishe kixin mara, solaadi kixin mara, falita mara, yamnanabbe mara, waatimeenit, sinni dhaltoyya aabbinnixe mara, cawat hin mara, anqaddas hin mara,

Fartottit hi Abittot 15:20

Laakin jawaab alle nuktubeyaako asnaamah masxittem kee uma-xibar, amaye balih tibtikem kee biilooko sinni yabbarhoona akah warishno.

2 Bithroos 2:14

Usun zinat farhiiko yemmeege, zambeeko lel daw-arhxinnixe intit leyan. Tamaa asbitinnixe mara lel dufuffuwan. Usun hirfe labcadde afcaado leyan. Abaarime cindham lel kinon.

2 Bithroos 2:10

Tamari lel fertoh tamaa xaraame kin nabsi farhih sumsumo kataanah, mas-uuliya dhayta mara kinon. Fidbe kee amnonobbaalih mashshiitekkah abaanamah, lel tamaa carshi ufayleh waatiman.

1 Bithroos 5:2

Sin fanadde tane Yallih meddero zuwanta, qasbiyah makiiki lel, tamaa Yalli akah sin abshiishe dhaarheekah, sinni farhih meceetih macalsita. Amficinnixe kasbeh makiiki lel, mece farhih abanta.

Tiitos 1:11

Usun uma maksab geyoona ciloh, yaydarasoona eedinnixoonim aydurusuk diika wahana mari, daw-yarhxoona tenalle tane.

Tiitos 1:7

Kaniisat bukalle macalso abati, Yallih masxadaadari akah kinniikah, akah caddaalimam hin tiya yakko kaalle tane. Yamnanabbe tiya, hido dheh kurraya tiya, hido sakraan, hido mangaaca, hido kasbi hirfe le tiya yakko kaalle mitane.

1 Timoteyos 3:3

askirinnixe tiya, angaacinnixe tiya makiiki mece tiya, anzeegexinnixe tiya, solaadi kixin akke waya tiya yakko kaalle tane.

1 Timoteyos 2:10

Usun laakin mece abittot leh, Yallih mashshi tabbirhe sayyohi xibarah saritoonaa.

Filibbi 1:27

Sin ablo amiite gedda, hido dherhille aniyuk, inki ufayelle tisbitiinih, mece warehi imaanah inki afcaadoh andufuluk taniinim aabbo ciloh, sin gerhegerh Masiix mece wareh missilam yakkoo.

Rooma 16:2

Tamaa yinqiddise mari akah kabbaatimoona missil araxah Maddari migacalle tee kabbattoona kee sinko farhinnannim tee xattoona sinak farha. Amayim lel, anu adde gaxak, mango marah naba xato kuuk sugtemhi sabbatah kinni.

Rooma 6:13

Sin karim xaqqi-waytot maysaalaxa yakko zambeh maaxayna. Laakin, rabaako aniinalle yewce mara balih Yallalle sinne uxuwa, sin karim lel xaqqi maysaalaxa yakko Yallah uxuwa.

Rooma 1:29

Usun umbuka caynah xaqqi-wayto, umaani, hirfe, xisdeh yemmeegiinih yinin. Ashshiino, gidfo, gica, siixo, kee zagaxaako temmeegem kuuk yinin. Xiyaw xamittam,

Fartottit hi Abittot 20:33

Anu sinko walaa inketti fidda, hido dahab hido lel sara miduumutiyo.

Luukas 16:14

Solaadi kixin Faarisiin tayim inkoh aabbuk alle ancaasak yinin.

1 Timoteyos 6:10

Amayim lel solaadit kaxani umbuka caynah umaanih rimid kinamhi sabbatah kinni. Ta gina le hirfaanhi sabbatah kinni lel xiyawko gari imaan araxko yewciinih mango qadaabadde radeenim.

Luukas 12:15

Tahe lel akko yerhxe: “Xiyawti aniina, iraarot mangentah makinamhi sabbatah, umman caynah hirfeeko selitteenih sinne dhawrha”.