Efesos 2:3 - Saaho Cusub Cahde

³ Nanu gantah tena balih inkoh ninni xazottahi duume abnak, ninni nabse kee niyat farhi balih marak nine. Beexin mara balih lel kurat cindham kuuk nine.

Efesos 2:3 Iomraidhean Croise

Markos 4:19

laakin ta caalamti nawashshiga kee solaadit doolab, amaye balih aki xaajujhi farhi adde orobah amaa waanitta yasniqhe, daro baahekkah lel racta.

Yohannis 1:13

Ta mari lel biilooko hido xazottat farhiiko hido labhatti farhiiko akkekkah Yallaako toobokem kinon.

Yohannis 8:44

Atin sin abba kin ibliis mara kitin, sin farhi lel sinni abbah farhi abaanam kinni. Usuk erherhko nabsi-wanna kinni, rummi kaadde miyanemhi sabbatah lel usuk rummah abam male. Usuk zirabbita gedda, zirable kee zirabti abba kinamhi sabbatah, usuk ishi xibarko kinni waanisham.

Fartottit hi Abittot 14:16

Tillabte ijolle Aki-mari inkoh sinni-sinni araxalle yadawna ten xabeh yine.

Rooma 1:24

Amaymih, Yalli ten afcaadohi uma farhi balih sinne-sinneh xaraameh sinni nabse caynisha mara yakkoona akko yicdireh ten xabe.

Rooma 11:30

Tamaa atin wuli gedda Yalla akah aabbe wayteeniikah, kado lel ten xinayyoh raxma akah kabbatteeniikah,

Rooma 13:14

Maddara kin Yeesus Masiix sarita kibah, sinni xazottahi farhi abtoona maaxaasabina.

Rooma 2:14

Sercat hin Aki-mari, thabiicaako amaa sercatalle tanem aban gedda, usun sercat aalle wayoona kibah sinneh sercat kinon.

Rooma 5:10

Nanu cangit kiinuk nineh yekkemko, kaa Barhahi rabih araxah Yallaalih wagarneh nane, wagarnek sarrah lel ayidhdha ziyaada thummutuh kaa aniinah gargeerimno kino?

Rooma 5:9

Amaydo, kado nanu kaa biiloh nitxiqqiqhek sarrah, tayimko ziyaada thummutuh kaa araxah Yallih kuraako ayidhdha gargeerime lino!

Rooma 6:12

Amaydo, tamaa rabe sin nabsi kaa farhi akah abtoona sin yaamirek, zambi sin agziye wayo.

Rooma 7:18

Yottadde, yi xazottadde mecaani misigtam aarhige. Mecem abo farhi liyonkah, abo mirhiica.

Rooma 9:22

Yalli ishi kura yayballaw kee ishi xayla yayshadhdhago farheyaako, liyah yinqirribe kurat citrorulle naba sabreelih curemko ayim kinni?

1 Korintos 4:7

Atu aki maraako akah tashshemih ayim lito? Atu kabbaate waytemih ayim lito? Kabbatteh tinniyemko, kabbaatinnixe tiya balih aymih kinni falittam?

2 Korintos 7:1

Yi kaxantoolito, inkoh ta wacde neellek sarrah, tamaa nabse kee ufaye xaraameeko ninne niysiffiyeh, Yalla mashshinneh ninni anqaddasak kaamil akko abnoo.

Galaatiya 3:22

Tamaa Yeesus Masiixih yaaminiinih geytima wacdi, tamaa yaamine marah yamxawo ciloh, Kutuub ummannim zambi geridde yurhuwe.

Efesos 2:2

Wuli gedda lel ta caalam kee tamaa cashshabti nigsinnah reezanti sarralle gerhak tinin. Usuk tamaa kado Yalla aabbinnixe maradde akhdumuk yane ufaye kinni.

Efesos 4:22

tamaa basoh akah marak tinin, uma araxalle xiyaa beyta farhih masxite sinni nabse asac-ishanta.

Kolossay 1:21

Atin tamaa basoh Yallaako yedhdheerheh uma xisaab, uma ciyyo luuk yine marak,

1 Tessaloniike 4:13

Laakin yi saculo, tamaa cag hin aki xiyaw balih taxziniinimko, tamaa rabidde dhiineh yane marahi zacabah sodhdhoona sinak mifarha.

1 Tessaloniike 5:6

Amaydo, garo balih dhiine waynooki, macalsinneh himma-abinnoo.

1 Timoteyos 6:9

Tamaa gaddaalito farha mari laakin cakana, machchawaadiya kee mango macna hin uma farhidde radan. Tayim abras kee liyadde xiyaa ciddam kinni.

Tiitos 3:3

Tayim lel nanu gantah ninneh wuli gedda, duudit, akko yarhxiinim aabbinnixe mara, araxko yicrhiye mara, barhsimte farhi kee raaxahi garuuza, ninni lelleeca umaani kee ashshiinodde tillaabisha mara, aki mari nicibah, sittiya nicib mara kiinuk nine.

1 Bithroos 1:14

Akko yarhxiinim yaabbe cindham akah kitiiniikah lel, tamaa basoh sorheenit kuuk tinin gedda balih, sinni uma farhih maadayna.

2 Bithroos 2:14

Usun zinat farhiiko yemmeege, zambeeko lel daw-arhxinnixe intit leyan. Tamaa asbitinnixe mara lel dufuffuwan. Usun hirfe labcadde afcaado leyan. Abaarime cindham lel kinon.

2 Bithroos 2:18

Usun foyya kin waanih sinni sabbatah mangum falitan. Tamaa uma araxaddehi martooko dhaye geddadde yesseece mara, tamaa uma nabsi farhih bacaalaginodde ten dufuffuwak yanin.

1 YOHANNIS 2:16

Amayim lel inkoh caalamalle tane (nabsi sumsumutnan, intit sumsumutnan kee iraaroh litomhi amnonobba) caalamko kibah Abbaako maki.

1 YOHANNIS 2:8

Wuli gabooko, sin kee kayyadde rumma kin cusub amre sinalle aktubiyuk aniyo. Amayim lel dite tillaabak tane, rumma kin ifi lel meceegeddah ifak yane.