Efesos 2:2 - Saaho Cusub Cahde

² Wuli gedda lel ta caalam kee tamaa cashshabti nigsinnah reezanti sarralle gerhak tinin. Usuk tamaa kado Yalla aabbinnixe maradde akhdumuk yane ufaye kinni.

Efesos 2:2 Iomraidhean Croise

Maatiyos 11:19

Xiyawti Barhi beetak kee aacubuk yemeete, usun lel: ‘Kaa ubula! Beeteena, sakraan, miiri yaskattit kee zambi-wannunhi carke’ yarhxin. Xikma laakin ishi ciyyoh titxiqqiqhe.”

Maatiyos 13:22

Amaa keenanti fanadde timzirriyem lel, amaa waanitta yaabbe tiya kinni, laakin ta caalamti nawashshiga kee solaadit doolab lel amaa waanitta yasniqhe, daro baahekkah lel raaca.

Maatiyos 13:38

Amaa dhage lel ta caalam kinni, mece zari lel nigsinnat cindham kinon. Amaa kirdad lel uma tiyahi cindham kinon.

Markos 4:19

laakin ta caalamti nawashshiga kee solaadit doolab, amaye balih aki xaajujhi farhi adde orobah amaa waanitta yasniqhe, daro baahekkah lel racta.

Luukas 16:8

Ifi cindhamko ziyaadah ta waqhtih cindham sinni ijoolih akah yadiin gorxe loonimhi sabbatah, amaa xaqqi-wanna akkinnixe masxadaadara kaa manabotti kaa siixoh kaa yossokoote.

Luukas 22:31

Simcoon, Simcoon, taykinna, Sheethan sinraa balih sin yanfawo ciloh sin farhe.

Yohannis 12:31

Ta caalamhi firdi kado kinni, kado kinni lel ta caalamhi reezanti irolle ciddito lem.

Yohannis 13:2

Addiriruk lel ibliis Simcoon barha kin Iskariyoot Yahuudaako kayya yasxaynim mece geddaakoh afcaadodde akko hayeh yine.

Yohannis 13:27

Sarrah usuk amaa dhacto beetek sarrah Sheethan adde orobe. Yeesus lel: “Tamaa abto litom, afitteh ab” akko yerhxe.

Yohannis 14:30

Ta caalamhi reezanti amiituk yanemhi sabbatah, anu mangum sinlih waanisho makiyo. Yi bukalle inki reeza maleya.

Yohannis 15:19

Atin caalamko takkindo, ta caalam ishim balih sin akxine dhadhdhe; laakin anu ta caalamko sin dooreh, atin lel ta caalamko makitiinimhi sabbatah caalam sin niciba.

Yohannis 16:11

Firdi zacabah lel, ta caalamhi reezanti qitscatah yimfirridemhi sabbatah kinni.

Yohannis 7:7

Caalam sina sin mitancibe, anu tee sabbatah tee ciyyo umam kinamah ashhidemhi sabbatah yi niciba.

Yohannis 8:23

Usuk: “Atin gubaako kitin, anu lel aganaako kiyo. Atin ta caalamti mara kitin, anu ta caalamko makiyo.

Yohannis 8:44

Atin sin abba kin ibliis mara kitin, sin farhi lel sinni abbah farhi abaanam kinni. Usuk erherhko nabsi-wanna kinni, rummi kaadde miyanemhi sabbatah lel usuk rummah abam male. Usuk zirabbita gedda, zirable kee zirabti abba kinamhi sabbatah, usuk ishi xibarko kinni waanisham.

Fartottit hi Abittot 19:35

Amaa daafoh nabara amaa xiyaw sik-ishisheyaako: “Efesosti xiyawo, Efesosti daafo tamaa naba Artemisti maqhdas care kee tamaa caranko rade quddus kin dhayitto kee tee misleh dhawrheena kinam sorhati sinadde yaneho?

Fartottit hi Abittot 5:3

Bithroos lel: “Xananiya, Quddus kin Ufayih nifille zirabbitto kee dhaget mibxih solaadiiko garo racsitto Sheethan aaginah afcaado kok yemege?

Rooma 12:2

Sinni xangal tuscussubiinih inqiyyira kibah, ta caalamti thabiicah maadayna. Amaymih lel, Yallih farhi ayim kinam: kaa mecaani, xedenishshah naqhuse hin kaa farhi ayim kinam timirimiriinih seltoona kitin.

1 Korintos 5:10

Tayim laakin ta caalamti uma-xibar, hido hirfe-lem kee barheerha, hido asnaamah tacbudemidde kab-marhxina yarhxiinim maki. Akke wayemko, ta caalamko irolle tawcoona sinalle tine macna kinni.

1 Korintos 6:11

Sinko gari lel ta gina le mara kuuk yinin. Laakin atin Maddara kin Yeesus Masiix migacalle, ni Yallahi Ufayeh cakalteenih, yinqiddise mara tekkiinih, xaqqi-wannun tekkiinih tinin.

2 Korintos 4:4

Tenim lel, ta caalamti yalli, mece warehi ifo, tamaa Yallih misle kin Yeesus Masiix nabne yabliinimko, aamininnixe marahi xangal alifeh yane.

Galaatiya 1:4

Ni Maddari, ta kado yane uma waqhteeko ni yeyyeece ni Yalla kee ni Abbahi farhih, ni zambeh arhxuk ishe yoxoye.

Efesos 1:21

Ta waqhtedde bisa akkekkah, yamaatole waqhtedde gantah, umbuka reeza kee mas-uuliya, xayla kee giz-at bukalle reezisheyaako, umman tiyahi bukalle kin migac akah yoxoye.

Efesos 2:11

Amaydo, atin basoh xazottah Aki-mara kuuk yine marak, tamaa askok-kalum abe mari: “Askok-kalum abinnixe mara” yarhxiinih sinah deecimak yiniinim xunsusa. Ten askok-kalum lel xazottadde gabah aben tiya kuuk yine.

Efesos 2:13

Kado laakin basoh Masiix kin Yeesusko yerheerheh yine marak, Masiix biiloh tendhewwiinih tanin.

Efesos 2:3

Nanu gantah tena balih inkoh ninni xazottahi duume abnak, ninni nabse kee niyat farhi balih marak nine. Beexin mara balih lel kurat cindham kuuk nine.

Efesos 4:17

Amaydo, atin kamboh tamaa Aki-mara balih amficinnixe sinni niyah tadawna sinalle mitanem, sinah warishah Maddarah lel ashhidiyuk ane.

Efesos 4:22

tamaa basoh akah marak tinin, uma araxalle xiyaa beyta farhih masxite sinni nabse asac-ishanta.

Efesos 5:6

Tayimhi sabbatah tamaa Yallahi kura kaa aabbinnixe marahi dhaylolle obtamhi sabbatah, foyya kin waanih walaa inketti sin doolabe wayo.

Efesos 5:8

amayim lel wuli gedda dite kuuk tinin, kado laakin Maddari araxah ifo tekkiinih tanin. Ifi cindham balih lel gerhanta.

Efesos 6:12

Ni dhiba reezon, mas-uuliin, tamaa dite kin kaafit caalam yagziye mara kee tamaa carshi makaanonulle geytima uma ufayitlih kibah, xazottat kee biiloolih maki.

Kolossay 1:21

Atin tamaa basoh Yallaako yedhdheerheh uma xisaab, uma ciyyo luuk yine marak,

2 Timoteyos 4:10

Deemaas ta caalam yikxinemhi sabbatah, yi xabeyaako Tessaloniike fanah yedee. Kereeskes Galaatiya fanah, Tiitos lel Dalmatiya fanah yedeynih yanin.

Yacqoob 1:27

Abba kin Yallih nifille tsitstsaye leh masxitinnixe diin tatiya kinni: gidcatite xeewo kee gubon gufaanam kee ta caalamti masxeeko sinni nabse yabbirhiinim.

Yacqoob 1:7

Amaa gina-le xiyawti Maddaraako walaa inkim kabbaato ilaalo kaalle mitane.

Yacqoob 4:4

Ko zaaniyiin kin xiyawo, ta caalam yakxiniinim, Yalla yancibiinim kinam mitaarhigiini? Amaydo, ta caalamti kaxantoole yakko farhati Yallahi nacabtoole ishek aba.

1 Bithroos 1:14

Akko yarhxiinim yaabbe cindham akah kitiiniikah lel, tamaa basoh sorheenit kuuk tinin gedda balih, sinni uma farhih maadayna.

1 Bithroos 4:3

Tamaa Aki-mari aban cibdaan, nabsi farhi, sakar, jihle, tiskiriinih digirak kee xaraame kin asnaamah acbuduk tillabishshen waqhti sin dhiica.

2 Bithroos 2:14

Usun zinat farhiiko yemmeege, zambeeko lel daw-arhxinnixe intit leyan. Tamaa asbitinnixe mara lel dufuffuwan. Usun hirfe labcadde afcaado leyan. Abaarime cindham lel kinon.

1 YOHANNIS 3:10

Taginah kinni lel Yallahi cindham kee ibliis cindham yamidhdhigiinim. Xaqqe abe waya tiya kee ishi sacal akxinuk anniye waya tiya, Yallaako maki.

1 YOHANNIS 3:8

Zambe lemidde asak yanetii, ibliisko kinni, ibliis erherhko zambe abatiya kinamhi sabbatah kinni. Tayimhi sabab lel Yallahi Barhi yimidhdhigem, ibliis ciyyo dumuso ciloh kinni.

1 YOHANNIS 4:4

Cindha cindhaamo, atin Yallaako kitin, tena lel timlikiinih tanin. Sinadde Yanetii caalamadde yane tiyaako nabamhi sabbatah kinni.

1 YOHANNIS 5:19

Nanu Yallaako kinom naarhige, umbuka caalam lel umatiih [xaylahi] galedde carhah-gaxteh tane.

1 YOHANNIS 5:4

Yallaako yoobokeh anniinnanti, caalamko yamlikemhi sabbatah; amaa caalamko yamlike nasri lel tatiya kinni: ni imaan.

Waxye 12:9

Amaa naba gaabbaa, kalxit caroora kinya, umbuka caalam doolabe ibliis hido Sheethan akko yerhxinya, guba baarholle cidditte. Kaa malaykut lel kaalih cidditen.

Waxye 13:14

Amaa baarholle martamah lel amaa sefih rabeh ure tiyahi misle siraaxoona akah warishe. Amaa afti alluulattohi hidhdhadde abo izni akko akah yoxoye ishaarar abak ten doolabak yine.

Waxye 13:8

Baarho ankhulluqhekkahko taahe tamaa yumruxxude Leemahi aniinat kitaabadde ten migoc akko ankuttubinnixe mari inkoh baarholle martaya akah yacbadoona kinon.

Waxye 16:17

Malxin-ya malaykatti ishi shaxan cashshaballe xarhe. Naba dhaw macbadti nugus-kurseeko yemeeteh lel: “Abayshimte!” yerhxe.

Waxye 20:2

Amaa malaykatti lel amaa kalxit caroora, ibliis kee Sheethan kinya gaabbaa yibbirheyaako shiix iggidiya yurhuwe.